| أحترم وجهة نظرك وإن كانت قاسية ومبالغ فيها بشكل كبير ،
ربما أتفق معك في بعض النقاط ..
لكن إيش المبالغة هاذي لثلاث سنوات متتالية ؟؟؟
بسألك سؤال وأتمنى إنك تجاوبني بصراحة وبمنتهى الصدق والشفافية ..
هل الزعيم القطري نادي السد أفضل حال من الهلال حينما حقق الآسيوية العام الماضي من جميع النواحي ؟؟؟
أنا شخصيا مع إني سداوي وهو النادي الثاني بعد الهلال وأعتز فيه وافتخر فيه ، بس مع هذا مافيه مقارنة بين السد والهلال
الحاجة الوحيدة اللي تفوق فيها السد على الهلال هي الحالة النفسية للاعب السداوي .. وهاذي ماجت من فراغ .. فيه أشياء ساعدت السد على الشي هذا : منها عدم التعصب الرياضي عندهم بقطر وعدم محاربة السد إعلاميا كما هو الحاصل مع الهلال ، الشي الآخر إن السد وقتها ماكان ينافس على الدوري كانت الإدارة السداوية شايله عن بالها الدوري بحكم خروج السد عن المنافسة للدوري ، فتفرغوا للبطولة الوحيدة للموسم وهي الآسيوية .. لكن الشي الأهم اللي يسجل للإدارة السداوية وهاذي حقيقة لابد نواجهها : وهي قدرة وتفوق الإدارة السداوية في تهيئة اللاعبين نفسيا ومثل ماقلت يمكن الشي هذا ساعدهم فيه عدم التعصب الرياضي ..
لكن إنك تقول ثلاث سنوات قدام ؟؟؟ مع احترامي ماأتفق معك فيه .. الهلال السنة هاذي أقوى وبمراحل متعددة من السد في الموسم الماضي واللي كان ترتيب السد في جدول الدوري السابع ، مع العلم إنه السد كان جاي من الملحق الآسيوي ، وتأهل بعد فوزه على الإتحاد السوري 5/1 !!!
ومع هذا حقق الآسيوية .. فهي أولا توفيق من الله قبل كل شي .. لكن العمل للأسباب أمر مهم .. واللي أنا اشوفه إن الهلال يبدو لي إنه متهيئا للآسيوية على أقل تقدير أفضل من المواسم الماضية .. ولك شكري وتقديري واحترامي  | 