السلام عليكم و صبّحكم الله بالخير . .
\\
أولاً و قبل كل شيء والله لاتسيو لو ألعب بتسعه مو عشره, والله لو تسعه على الي أمس ما يفوز علي لو يفحّط تفحيــط, و الله ياهو فريق جبـاااااان, أجل من الدقيقه 9 مطرود واحد و خايف يهاجم .. !!!
\\
أسباب الهزيمه من وجهة نظري//
1- الدفاع بأكمله من البزر الي على اليسار إلى الستيني الي على اليمين, دفاعنا شوارع و خرابيط و مطاريس و كل أبو شيء مو زين و يعور البطن .. !!!
2- تغيير لاميلا .. !! يلعن أم الحاله يا شيخ مطرود لاعب و ماسكه غلط على طريقته, الشوط الأول كله كاااااامل نلعب بدون جبهه يُمنى, الشعب كله يسار, آنخل و بوريني و توتي ينزل يسار و بيانيتش << و الي في اليمين واقفين و مقفلين بس .. !!
طيب مطرود واحد آمنّا و ما قلنا شيء بس حافظ على توازن فريقك, كان ودي و أمنيتي يسحب إمّا سيمبليسيو أو بيانيتش:-
ودي بوريني يمين مثل ما بديت الشوط الثاني و جيب لاميلا يسار في النص و خل توتي قدام و ثبت في الإرتكاز دي دي و معاه واحد ثابتين و شغل الأطراف رايحين جايين, وازن فريقك و طرد ماهي نهاية الدنيا يا شيخ .. !!!
لوبونت
آنخل , , هاينزه , , جوان , , تادي
لاميلا , , دي دي , , سمبليسيو , , بوريني
توتي
\\ أرجع و أقول ما أحمّل إنريكي الهزيمه لكن يتحمل جزء منها بتغييره الي أشوفه مُبتديء أمانةً, نجوم اللقاء من جانب روما:- توتي - بوريني - دي دي - بويان عندما نزل كان جِداً مُمتاز و فعّال \\ و المقوله الي دايم أقولها برجع أقولها:- " عندك هجوم بتسجل, بس لو عندك دفاع بتاخذ بطوله " و دفاعنا شوااااااااارع و الله ثم الله الي مغطي هالدفاع إثنين, ستيكي و دانييلي فقط ولا هُم يالله حيّهم كل أبوهم, دفاع يبيله ترميـــم .. !!! هاردلك و يالله يا رب أسمع خبر حلو, إستحى على وجهه و إستقال ولا بالديني إسترجل على آخر عمره و طيّره, يااااارب و يالفقمه لاعاد تجي مانبي نشوفك يا شيخ, خلّك ريّس بالإسم بس .. !!! 
