تحياتي ,,,
@@
هلا بالغانم , هلا بأبو غازي ;)

ياغالي هذي هي الغيره اللي نسمع بها , وعلشاننا هلاليين ماعمرها دخلت نفوسنا ولا راح تدخلها بإذن الله ,

ياغالي والله انهم محرومين , لكن عيبهم انهم مايتعلمون من صفعات الماضي , يعني من جرف الى دحديره , فوق انهم ضعوف , لكن البجاحه وقلة المعرفه مسيطرة عليهم .

@@
هلا abu_riman
نبي نصك عليهم ونبي نحجرهم لكن وش يفكنا من تباكيهم ونحيبهم ( اللهم لك الحمد )

@@
هلا abudd2
ياغالي مشكلتهم ان الهلال مليء بالنجوم ومليء بالمواهب , ومليء بالاهداف الثمينه , لكن تتوقع انهم يحصلون على شيء غير المهانه والذل ومزيد من الكآبه

مناداتهم بضم علي يزيد مضحكه جدا , هذا اللاعب فتشو بين لاعبينهم على امل انهم يلقون واحد يرزونه ويفتخرون فيه لكن ومن قل ماعندهم مالقو إلا هو , المصيبه ياغالي انهم هم انفسهم مااستفادو منه فكيف بالله عليك يبوننا نستفيد منه ؟؟

هذا ياغالي ماهو لاعب هذا ( نص ) لاعب ومع الايام بينزل وبيصير ربع وانت ماشي

الحارثي بصراحه انه احسن واحد عندهم عيبه الوحيد انه ماينشد به الظهر ودايم وهو يفلت وتفليتاته تهدي الاخرين البطولات ,,,

ياغالي هالمعسكر الاصفر يستدير في حلقه مفرغه !!!!!!!!!!!

@@
هلا رارا
الله يسلمك ويطيك العافيه , ومالنا غناه عنكم ,,,,

@@
هلا بتركي الكبير ,,,
بالفعل هي حاله نفسيه مستعصيه , مالها علاج إلا الكي او الجلد ,,,

@@
هلا بابو صالح الهلالي ,,,
انا اشهد انهم سكراب , وانا اشهد انهم منحاسين , وانا اشهد ان من امنياتهم ان عندهم ولو واحد من هالنجوم اللي يسبونها ليل نهار,,,

@@
هلا بالازرق الشرقاوي ( يامرحبا بريحة الديره واهل الديره )
ماهو الفرق هذا ياغالي هو اللي ذابحهم ومخليهم ماعندهم سالفه إلا نجوم الزعيم,,

@@
هلا بنواف العماري ,,,

والله ثم والله اني مااعرف السباحه خير شر , رغم ان الديره اللي انا فيها مشهوره بالبحر ,لكن وش نسوي ,,,,

@@
هلا بأبو جراح ,,,

ابو جراح الاداره الهلاليه لاتحتمل الانتقاد خصوصا في الفتره الحاليه , فأحباب الهلال ما قصرو اخذو على عاتقهم انتقاد الاداره واحيانا بدون سبب , وايضا الكل تركو هذه الاداره تعمل وحيده وبدون عوين , ورغم كل هذا نجد ان هذه الاداره تجتهد وتحاول بقدر استطاعتها , وبما اننا جمهور معروف بالواقعيه , فيجب علينا ان ندعم اي جهد تقدمه هذه الاداره وان نسندها حتى يعود من ابتعد وحتى يندم من جعل نفسه خصما لحبه وعشقه , فواجبنا باغالي الان ان لانكثر النقد ,خصوصا اننا نعرف كل شيء ونتابع كل شيء , الامير سعود يحاول , والمصيبيح يحاول , ونحن سندعمهم خصوصا في هذا الوقت الذي هو الوقت المناسب للدعم ولسند الاداره ,

تخيل ياغالي اننا اخذنا موقف الضد لكل صغيره وكبيره ولكل عمل غير جيد تقوم به الاداره , فماذا سيكون شعورها وهل نتوقع ان تتحمس للعمل وهي ترى الجميع يتخذ موقف الضد , انا ارى ياغالي اننا يجب ان نركز جهدنا في محاولة إعادة من ابتعد , وفي محاولة السير وبخط متوازي , يجب ان نقبل مايأتي فنحن على إطلااااع تااام بما يدور صدقني يابوجراح اننا نتجنب إتخاذ هذا الموقف .

تحياتي للجميع ,,,
العوّاااام ,,,