01/02/2012, 07:32 AM
|
 | مدريدي مميز | | تاريخ التسجيل: 05/09/2007 المكان: بيتنا بعد البرنابيو على اليمين
مشاركات: 733
| |
مشكلة اللي يواصل ووراه دوام 
ابو ظافر 
امحق شريك ماقد خذ ريال واحد من الشراكة 
شف يابو فخار
بالنسبة لسالفة فيار والاتحاد الأسباني
خلي أول شيء ابو مبارك يفيدك 
على فكرة ترى لاعبه المفضل في الريال جرانيرو
يحبه لأنه اللاعب الوحيد اللي يطبق مبدأ المداورة على نفسه
عشان كذا لياقته دائما فل
ويكره لاس لأن قصة شعره ماتعجبه
خليني اضيق صدرك واقولك إني اقتنعت بوجهة نظرك
أنا ماعندي ذيك الخلفية عن فيار والاتحاد الأسباني والانتخابات وتوابعها
بس كلامك منطقي
ومع ذلك إعلام كتالونيا ماراح يسكت وراح يدافع عن لقب فريقه لآخر درجة
ترى الموندو والديبور ماهم مثل ربعنا الماركا والاس
راح يشنون حملات مكثفة عن التحكيم وكم إشاعة عن اتفاقيات خيالية وشكوك وتوابعه
غير اخبار وإشاعات متواصلة عن مشاكل بين لاعبين الريال وبين المو وبيريز والنظام اللي كلنا عارفينه
والضغط الإعلامي في اسبانيا يفرق بصراحة
بالذات إذا كان مكثف ومركز على نقطة معينة
فاحتمال كبير نشوف تغيير في حكام كل جولة وتغيير في توقيت المباريات
واشياء من هذا القبيل
إن شاء الله كلامك يكون صحيح وماندخل في زوبعة عجائب الليجا
عبدالإله
من ناحية الدفاع غير اتفاقي مع الكلام اللي قاله ابو ظافر (كيفني معاك بس اتفق معاك مرتين في رد واحد )
اشوف إن مشكلة دفاعنا الرئيسية هي عدم التركيز اكثر من الانسجام نفسه
يعني لو رجعت وشفت الأهداف اللي دخلت مرمى كاسياس تلقاه اخطاء بدائية من الدفاع
على سبيل المثال هدف سرقسطة الأخير
ودي اعرف وش يدور في رأس بيبي وقتها ووين مخه فيه
هدف سولدادو الثاني في المستايا كان مارسيلو يقدر يغطي على الكورة قبل ماتلعب عرضية وتركها
وكان راموس يقدر يسبق سولدادو على الكورة وتركها
كلها دلائل على عدم التركيز
نقطة الانسجام تتضح بالذات في خطط تطبيق التسلل وفي التناوب على تغطية المهاجمين وفي اسلوب الضغط وتوزيع اللاعبين في الكورات الثابتة
وهذه كلها نقاط المفروض تجي من المو نفسه ويدرب عليها اللاعبين المدافعين اللي عنده كلهم سواء لعب من لعب
لأن الخطة وحدة والمبدأ واحد
صحيح لاعب عن لاعب يفرق لكن التكتيك نفسه
زي نظام البارسا مثلا، سواء لعب بيكيه او بويول او ماسكيرانو او حتى ابيدال قلب دفاع، مانحس فيه تغيير كبير في خطوط الفريق لأن تكتيك البارسا واحد
صحيح بويول افضل من ماسكيرانو في المركز لكن التكتيك واحد
لذلك
في مرات كثيرة تحس دفاعنا حديدي لأنه مركز ومنتبه صح ونشوفه منسجم جدا
ومرات تحسه ضايع ومافي تركيز من اللاعبين
النقطة الأهم بالنسبة لنقطة ضعف دفاع الفريق هي في الكورات الثابتة
اهداف كثير دخلت مرمانا بنفس الأسلوب ومن ضربات زاوية واخطاء قريبة زكورات عرضية
يعني وش اكثر من إن البارسا يجيب فينا هدف بالرأس من بويول والكورة نازلة
والبارسا كله محد يلعب بالرأس فيه إلا بويول وبيكيه
اشوف إن المفروض على المو يعطي ادوار اكثر لكاسياس في الكورات الثابتة
كاسياس مشكلته إنه واقف مكانه ويعتمد على سرعة استجابته الخورافية في صد الكورات
لكنه نادرا مايطلع وإذا طلع يتردد ويطلع غلط ويجيب العيد
وجه يتذكر هدف ليورنتي في الريال قبل كم اسبوع
مادري وش كان ينتظر في مكانه والكورة العرضية واضحة وساقطة خلف الدفاع
المو لازم ينتبه للشيء هذا
وبالذات في ابطال اوروبا لأن الفرق الأسبانية تحب تلعب الكورة على الأرض
بينما معظم الفرق الأوروبية عندها الكورات الثابتة سلاح خطير
وبالذات تشيلسي والبايرن والانتر
وماستبعد حتى سيسكا موسكو
حاس إني لخبطت كثير
مواصل عاد ووراي خط 
نراكم حينما نراكم |
