.
كل شوي نسمع سالفة لاتبالغون بالفرحة
إحنا خايفين .. والبرشا ماراح يسكت ...الخ الخ من المقس
أول مرة أشوف :
مدريدي يخاف
هو صحيح حسابياً لو تعادلنا مباراتين وفازوا علينا بالكلاسيكو وقتها باي باي ليغا
لكن :
متقدمين عليهم بـ 7 نقاااط .. وش تبونا نسوي ؟
نقعد نلطم
والله وضعكم غريب !!

بالنسبة لي بــ أهايط وأهايط لين أأخذ الدوري
وإن ماخذيته عادي وش الجديد نفس السنوات الثلاث اللي راحت

جوبلز ( وزير إعلام هتلر ) يقول :
إكذب ثم إكذب ثم إكذب .. في النهاية لابد أن يصدقوك
وإحنا نقول :
نفوز ثم نفوز ثم نفوز .. في النهاية لابد أن يصدقوا بأن الليغا مدريديه

معادلتنا بسيطة :
كم فوز متتالي وخصوصاً هالثلاث جولات نزيد الضغط على البرشا
اللي هو أساساً مضغوووط وعلى جرف ويمكن يفرَط بأكثر من نقطة

أهمية الثلاث جولات الجاية :
إن الفوز فيها بيعطي اللاعبين فكرة إن
عامل الـ 7 نقاط حد أدنى ونقطة مقاومة قوية
تبداء ثقتنا في الفوز كل مباراة تزيد
وفي نفس الوقت راح يشتت ذهن لاعبي البرشا بـ شكل أكبر
ويمكن يضيعوا البطولتين

إقتباس الرسالة الأصلية كتبت بواسطة Night$Wolf على فكرة بتشوفون العجب العجاب في الدوري الأسباني في الأسابيع القادمة انواع ضربات الجزاء وانواع الطرد وهلمجرا

هلا بـ الشريك التجاري
أختلف معاك >>>> ابو مبارك كيفني معاك
شوف يالغالي :
إن فزنا إن شاء الله الثلاث جولات الجاية والبرشا تعثر مباراة
والفارق وصل لـ 9
وقتها من مصلحة فيار إن الليغا تمشي بكل نزاهة وشفافية
فيه إنتخابات آآخر السنة ومايبغى يلطخ سمعته أكثر
ويمكن لو مارس العدل على الجميع ممكن ينسف الكونسورتيوم المعارض بقيادة بيريز

فيار بـ يحسبها :
الريال لازم يتعثر أكثر من مباراة .. والبرشا لازم نفزع له أكثر من مباراة
يعني اللعب بيكون على الحبلين
وقتها بتكون فضيحته على رؤوس الأشهاد
هو بيترك الأمور تمشي على ماهي عليه
يمكن البرشا يفرط بأكثر من نقطة وتنتهي الليغا
يمكن الريال ينهزم قدام خيتافي المتطور وبعدها يتنرفز الفريق من حاله

لذلك أتوقع فيار بيمارس دور المتفرج وهذا من مصلحته أولا وثانيا وآآخراً

إقتباس الرسالة الأصلية كتبت بواسطة وهب الريس المنتديات والروابط ولادة بالكتاب ... يذهب أناس ويختفي البعض ... لعدت أمور وظروف صعبه ... ولعل أكبر سبب هو عدم ثقة الأعضاء بفريقهم ... في ظل النتائج مع البرشه ... رغم تقدمه النقطي في الدوري على البرشه ... !!

فارس
إسمح لي أنبرش .. ولو ماسمحت لي برضه راح أنبرش
لو السالفة إختلاف آآراء بينك وبين ابوتولين صدقني ماراح أتدخل بينكم
وراح أعيش المثل الشامي اللي يقول (( فخَار يكسر بعضه ))
لكن ... تراك قسيت على الجميع
أول شيء ماراح ألومك لأن عندك معطيات بنيت عليها كلامك
غياب الأعضاء وبعدين رجعتهم بنفس الوقت
انا ماالومك إن قلت هذولا بس جمهور فوز
لكن ترى وأنا أخوك كل واحد عنده ظرووف
ويمكن رجعة إخواننا القديميين <<< حلو المصطلح هذا والا أغيره
رجعتهم عطت دفعة معنوية للرابطة
هذولا ناس شالوا الرابطة ايام القحط
بأعطيك دليل إنك ظلمتهم :
لًما لعب الريال في الجولة الصيفية في أمريكا
لاحظ إنها جولة يعني مافيها مباريات حماسية وقوية
وفوق هذا
الشباب كانوا يدخلون بعد كل مباراة ويشتغلون تحليل
ابومبارك وابوتولين أشغلونا بالمثلثات
وكانت الرابطة مشعللة .. السبب كان أغلبهم إجازات
غير السبب الرئيسي حبهم للريال وثقتهم فيه
لكن اللحين الغياب كلن وظروفه الخاصة

وبعدين ياما تصقعنا وكنا ندخل الرابطة ونسولف عادي
برشلونة عطانا 6 وجلسنا نتابع الليغا للمباراة قبل الأخيرة مافقدنا الأمل

ياليت ماتفهم كلامي إنه تصَيد .. حاشا لله
لكن :
يافارس .. ماهكذا نقابل الأحبة .

إقتباس الرسالة الأصلية كتبت بواسطة قاهر الظروف واضح الفرق الكبير في مستوى دفاع الريال مقارنه بالموسم الماضي ! غياب كارفالهو اثر في الاستقرار لكن حتى لو كان موجود مستواه في بداية الموسم اقل من الموسم الماضي والثقل واضح عليه . .

عبدالإله
هلا بك ياحجَتنا الدامغة
الإستقرار شيء مميز
لكن المحاولة والتجريب أبرزت لنا موهبة في مركز قلب دفاع ( راموس )
ثانياً كارفالهو كان مصاب وهو كبير في السن ولو لعب هالموسم يمكن مايلعب الموسم الجاي
مورينهو حب يجهز البديل
مورينهو إنقرص العام من خط الدفاع لما غاب كارفالهو قدام برشلونة في ذهاب الابطال
وإضطر إنه يلعب بالكابتن آل بيول
وأنت عارف باقي الأحداث
الأن فاران مستعد يلعب والفريق واثق منه
مورينهو حب يبعد راموس عن الظهير لأن سلبياته بتقتل تألقه وفي نفس الوقت برز لنا أربيلوا وصار نقطة قوة
فالتجريب أعطانا مواهب مدفونة

عموما خط الدفاع الى الأن وأنا أقول فيه عيب كبير من العام
وكل الترقيعات اللي عملها مورينهو ماغطت على هالعيب
( اللاعب المهاري المتقدم خلف رؤوس الحربة يستطيع كشف خط الدفاع ولخبطته )

إقتباس إذا برشلونة كالراقصة ال أجل الريال الملكي وش يصير

الريال مثل الزير سالم
كان يفقد في الحانة ولايهتم بـ اللي يصير برى
لكن لمَا المعايير تتغير .. وتصير العاهرة فارسة حرب
وقتها الزير يصحى من سكرته ويردد يالثارات مدريد




ابومبارك حكيم
وش هالنور اللي طلع من الشاشة