مرحبا شباب


هاردلك على الخروج , والف مبروك على المستوى


كل مايقرقع بقلبي لخصته بهالنقاط :

1- الفريق اليوم كان رااائع جداً ,
من المرات القليله الي نلعب بمحورين مو 3 معهم ونأدي هذا الاداء

2- الحكم عنده مشكله بالأرسال .. يحسب الخطأ بعد مايصير بـربع ساعه
.. وهدف راموس لا تعليق الصراحه !

3- بنزيما وش اقول وش اخلي ,
وش اقول بس وانت خليت بويول يتذوق عشب ملعبهم , فعلاً غلطه كبيره انه مابدأ من البدايه فيه

4- الاخوان الي جالسين يتكلمون عن كاسياس , صراعكم مابين الحاضر والماضي ماله سنع
كاسياس حارس كبير , افضل حارس بالعالم بلا منازع , بس معليش ..
هدف بيدرو ماكلف نفسه حتى ينقز لها !
, بالكوره هذيك اخطأ ..لازم تؤمنون انه اخطأ وانه مافيه احد مايخطي ,
بمعنى انه ماهو لازم اغمض واسلك خطأه واقول هذا كاسياس !!
بعدين انجازات كاسياس مع المنتخب لاتعني لي شيء كمدريدي , انا رجل هولندي متعصب
وكل ماتذكرت صدت روبن وقارنتها بمستواه بالكلاسيكو انقهر
لأني بالوقت الي مابيه يصد يصد , والعكس لا

5- كاكا اليوم مش ولا بد .. كاليخون يوم دخل عمل شي افضل بصراحه
راقبو من اعطى الكوره لبزيما بالهدف الثاني , صحيح ماتسمى صناعه لأنه تقريباً مجهود فردي من بنزيما
لكن كانت ردة الفعل السريعه الي نحتاجها في تسليم الكوره

6- الخروج من الكأس بيعطي تفرغ اكبر للدوري والتشامبيونز ,
اتمنى يكون في صالحنا هذا الخروج بالمستقبل


تصبحون على خير