25/01/2012, 07:55 PM
|
 | عضو اللجنة الإعلاميه للرياضة العالمية
و رئيس رابطة ريال مدريد | | تاريخ التسجيل: 17/02/2009 المكان: مدرجات البرنابيو ق1
مشاركات: 2,963
| |
مساء الخير 
قبل ما ادخل في النظرة الفنية , في سؤال برئ جداً ما دام تأهلنا مستحيل حسب رأي اخوي الفضائي , ليه نلعب المباراة أصلاً , أو عطني الحل وش تبي من مورينهو يسوي في ذي المباراة وش يقول للأعبين ؟! لا تتعبون ترون بتنهزمون أو ما بتتأهلون , لو تبادر ذرة شك في أذهان اللآعبين أنهم ما راح يفوزون أو ما راح يتأهلون فلا يستحقون أرداء شعار الملكي عار وخزي عليهم (الشيحي متلطم  )
اللي أريده أنهم يثقون في أنفسهم , ويعلمون أن الكورة ما فيها مستحيل ابداً , ويثقون بـ أنهم أقوياء وقادرون على الفوز مهما كانت صعوبة المباراة او من هو الخصم .
المباراة فنياً : مطلوب منا تسجيل هدفين للتأهل فـ لذلك المو راح يدخل مهاجم , مباراة العبها بهجوم ضارب من بداية المباراة , العب مباراة مفتوحة هي خيارين يـ نفوز أو ننهزم ما فيه خيار آخر , متابعيني في تويتر قرأو أني كتبت إذا تبي تواجه البرسا واجهه بـ نفس لعبهم بنفس طريقتهم , أحتفظ بـ الكرة أطول وقت ممكن تماما كـ مباراتي كاس السوبر , هنا تحتاج لأعبين يقدرون يمسكون كورة أكثر والحمد لله في لاعبين عندنا يقدرون يمسكون الكورة ويحتفظون فيها لاس اوزيل كاكا مارسيلو الونسو بنزيما كاليخون هيجواين , المو في المؤتمر الصحفي قال : وضعت التكتيك المناسب ولم أضع الاسماء , اتمنى من المو اللعب بـ هذه التشكيلة أعتقد أنها أفضل تشكيلة ممكن نفوز بها على برشلونة , قبل ما اذكر التشكيلة , ابي اتكلم عن امكانية مشاركة بيبي , انا اجزم ان المو راح يلعبه اساسي في التشكيلة , المو راح يعكس او يخالف توقعات الاعلام , بيبي راح يكون متواجد واساسي طبعاً , التشكيلة اللي اتمنى من المو يلعب فيها هي
كاسياس
كونتراو ________راموس_____ بيبي_________ اربيلوا
الونسو_____ لاس
اوزيل _________________________كاكا
رونالدو_________ بنزيما
تشكيلة متوازنة جداً هجومياً ودفاعياً الضغط على حامل الكورة مطلب في ملعب برشلونة , نفس تكتيك كاس السوبر ومباراة الدوري , اه لو دي ماريا موجود كان خل لـ مورينهو خيارات كثيرة عموماً اتمنى من المو اعطاء التعليمات للاعبين وخصوصا رباعي الدفاع في عملية تطبيق التسلل لازم يكون هناك تفاهم , بين الرباعي , اتمنى التركيز على الكورات اللي خلف الدفاع من لاعبي برشلونة خصوصاً في الثلث الاخير من الملعب , لقطة ميسي في الهدف الثاني وكيفية ضرب دفاعات الريال بتمريرة من فوق المدافعين للعب توقع رباعي الدفاع انه متسلل لكن العكس طلع في موقع مناسب وصحيح , النقطة الاخيرة اتمنى من بنزيما ورنالدو استغلال بطئ قلبي دفاع برشلونة بوجول وبيكيه , دف الكورة من جنبه وامعصي يجيبك   , اخيراً اتمنى من لاعبي الريال تسريع الرتم اكبر سرعة ممكنة .
فالكم الفوز اتوقعها 1-1 
|
