نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - أخيراً بعد أن صمت دهراً.. تركي الفيصل: الخليج سيلجأ إلى كل الخيارات ضد إيران

عـــ الزعيم ـــاشق · #88 25/01/2012, 07:59 AM

ندخل بالنقاش ونستلم الموضوع من أوله ..

بالنسبة لموضوع ان جيشهم اقوى من جيشنا ومانقدر نهددهم .. السالفة سياسية بحتة وصعبة على الغير متابعين للسياسة معرفتها ..

راح تقنعني ان ايران لو أغلقت مضيق هرمز السعودية فقط هي من ستتضرر ؟ أمريكا أكبر متضرر من ايقاف اصدار النفط ليه ؟ أنا اعلمك

السعودية ماراح تصدر النفط للخارج ولكن راح يكون بمقدورها استخدامه .. بكذا راح نستفيد من نفطنا .. أما أمريكا راح ينقطع عنها النفط خير شر وراح تبدا تستخدم مخزونها في الدول المحتلة والمصدرة والي مايعادل نص الي تاخذه من السعودية يعني بالعربي ماراح يأكلهم عيش .. ياليت تكون وصلت معاي للفكرة الي أبي أوصلها ؟ وان ماوصلت .. قصدي ان السعودية ماهي محتاجة انها ترد على إيران دام أمريكا الظهر

أمريكا هي القوة العظمى حالياً ومجرد تحذيرات أوباما لإيران بعدم اغلاق المضيق يكفي .. وعلى فكرة أنا اعطيك أمريكا كمثال لظهرنا .. والمثال الثاني دول أوروبا كاملة .. والمثال الثالث روسيا الي بينها وبينهم معاهدات حربية

المثال الرابع باكستان !

هذا بالنسبة للمضيق واغلاقه .. اما بالنسبة لضعف الجيش السعودي ولما يقولون انه قوي ترد بحرب الخليج وعام ١١٢٩ قبل الميلاد

ترى مرت ٢٠ سنة على حرب الخليج وهالـ ٢٠ سنة قامت فيها دول ( فيس يناظر الامارات وقطر

) ماراح يتطور فيها جيش ؟

انت تدري إن السلاح الجوي السعودي ثاني أقوى سلاح جوي في الشرق الأوسط بعد اسرائيل ؟ لا مستحيل تدري وانا متأكد ان صديقك الي تجلس معه الي من الجوية مايدري بعد

يكفي ان القاعدة الجوية مدججة بالخبراء الأمريكيين والبريطانيين بجميع الرتب وهم المشرفين على تدريب الجيش الجوي السعودي .. وهالشئ بعد انت ماتدري عنه أكيد

معلومة جديدة لك .. تشوفنا نتكلم عن السلاح الجوي وكأنه كل شئ بالحرب صح ؟ انت تدري ان السلاح الجوي هو أقوى سلاح للسيطرة على الدول ؟ وأعطيك أكبر مثال حرب العراق وأمريكا .. طيحوا بغداد في نص ساعة ليه ؟ لأن سلاحهم الجوي دمر جيش صدام وصدام ماكان يملك أي سلاح جوي !

انت تدري إن كتائب كبيرة من الجوية السعودية موجودة في أمريكا وتتدرب على طائرات الإف والتايفون ؟ وبعدين أي حوادث تدريبية هذي الي تتكلم عنها ؟

في آخر ٣ سنوات ماصار إلا حادثين هذا الي أعرفهم ! انت تحسب ان طيارة سعودية يصيرلها حادث وتتفجر كإنها سيارة محترقة ؟ تتكلم عن عشرات ومئات الملايين انت ماراح يحطونها بيد مبتدئ ويقولون يالله تدريب

ولو حوادث تدريبية بالهبل على قولتك كان أعلننا افلاسنا

وترى الحروب ماتقارن بـ عندهم ١١٠٠ طيارة عندنا ١٢٠٠ طيارة يعني راح نفوز عليهم ويبقالنا ١٠٠ طيارة

ترى مانلعب ريسك حنا

للمعلومية وزير الخارجية سعود الفيصل الله يطول بعمره ويخليه ردوده على إيران مستمرة ولا وقفت .. ودام عندك وزير خارجية مثل سعود الفيصل ارقد وارتاح تراه داهية ماشاء الله ..

على فكرة .. ايران لو انها مشكلة خطر كبير على السعودية ماكان أرسلت الحوثيين ولا صلب القطيف ولا شيعة البحرين لمحاولة الزعزعة ! كان سووا الي براسهم من زمان .. بس من خوفهم يرسلون ناس مضحوك عليهم بصكوك جنة

وينحفرون في كل محاولة .. ولا تنسى ان سلاحنا الأكبر هو ربي وكلمة لا إله الا الله محمد رسول الله الموجودة على علم بلادي .. يكفي هالشئ انه يكون دافع ومحفز لجيش بطل تدرب لمدة ٢٠ سنة على أيدي أفضل خبراء أقوى جيوش العالم .. أمريكا ..

سؤال .. في قاعدة جوية في بلجرشي ؟ وان كانت موجودة هل هي بقوة وجدية القاعدة الجوية في المنطقة الشرقية أو الرياض ؟

وبالأخير نصيحة .. ياليت لو مانتكلم في شئ مانفهم فيه ولما يجينا أحد ويعطينا حقائق نقول انهم مايفهمون وردودهم بايخة

الجيش السعودي