برشلونة فريق يحب امتلاك الكورة ومتى ما عطيته الحريه والفرصة بامتلاك الكرة

في اي لحظه ممكن يسجل فيك هدف ويكون خطير ! لكن متى ماحرمته من الكورة

تلقى برشلونة يعاني لانه ماتعود انه الا على الاستحواذ وشفنا هالشي معاهم مع نظام

الضغط العالي ودايما الفرق الي تواجه برشلونة باسلوب الضغط والهجوم تتعب البرشا

واكبر خطا سواه مورينيو التكتيك الي دخل فيه المباراة ! يعني انت من السوبر

عرفت كيف تواجه البرشا هجوميا وكيف تمسك الكورة قدامهم ووصلت النسبة

43 للريال مقابل 57 لبرشلونة ! نسبة ممتازة ! انت تواجه اسود الاستحواذ والافضل

والي من يوم هم صغار يتدربون على هالتكتيك وتجي قدامهم تستحوذ بمقدار 43

شي طيب ! وتجي يا موريينو وتغير الطريقه للطريقه الدفاعية ! عقب ما اكتشفت

الطريقة الافضل والشي الي يقهر ان حارس برشلونة كان بينتو ؟ شلون مورينيو

ما استغل هالشي ! هالحارس اكبر نكبه ومع نظامك نظام الضغط راح تخليه

يجيب العيد ! اذا فالديز الي يعتبر افضل حراس العالم بالمحافظه على الكرة وتمريرها

لزملاءة تحت الضغط , ارتكب غلطه قدامك فما بالك بالنكبة بينتو ! عز الله بيخلي

بيب يتندم انه خلاه يلعب المباراة ,, بالنسبة لمباراه الاياب الامل لا زال موجود

بشرط الرجوع للطريقة الهجومية والتوفيق باختيار اللعيبة ولابد من اللعب بثلاثي

محور لا تنسى انك تلعب بالكامب نو والنفسية عندك صفر بعد الخسارة بملعبك !

لابد مورينيو يزج بشاهين والونسو معا لازم يخفف الضغط على الونسو بزجه للاعب

بنفس صفات الونسو ويكون عندك بدال لاعب واحد موزع يكون اثنين مع محور ثالث

بيبي وبالدفاع كوينتراو يمسك الجهه اليسرى وبمحور الدفاع كارفا وراموس والجهه اليمنى لاسانا

وبالهجوم كريم بنزيما رونالدو كاليخون او كاكا بدل كاليخون ؛ دي ماريا كانه اصاب بعد

فا لذلك ماحطيته , بالتوفيق للملكي .