| يازعيم القرن يا نادي الزعيم £ يـافريـــقٍ صـــار للعبــه مثــال
السيادة سلمــت لك من قديــم £ أنت الاول دوم مــافيها مجــال
يـاكيان فـــوق بالقمــه مقيـــم £ يازعيــم مسكنه روس الجبــال
خذتها بالجــد والراي السليم £ واحتراف الفكر وعزوم الرجال
لايهمك جـاهـلٍ فكـره غشيـم £ مايهمــه غيــر تجميـــع الريــــال
مايبيع العشق رجــالٍ حكيــم £ وما يســــاوم بالغلا رجلٍ عــدال
من بغى يرحل بحفظك ياكريم £ ومن رغـب في قربنا قلنا تعــال
من لعب معنا ولو ذكره عديم £ يشتـهــر مــن يوم يلعب للهــلال
كم رحـل من لاعبٍ فذ وفهيم £ ماتــأثـرنـــا ولـــو لعبـــه خيـــال
مايهـز الراسيـه هب النسيـم £ وما يضر الضلع وطيات النعـال | 