نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - أخيراً بعد أن صمت دهراً.. تركي الفيصل: الخليج سيلجأ إلى كل الخيارات ضد إيران

FINAL10 · #15 19/01/2012, 01:41 PM

إقتباس

الرسالة الأصلية كتبت بواسطة FAISAL AL7RBY


	و انا اقول وين FINAL10 ما عاد ينشاف كثير مثل اول و بالاخص بعد احداث مصر اثرك مسنتر في السفارة المصرية ياخوفي تكون حاصل على الجنسية المصرية و احد المرشحين لـ رئاسة مصر نحن بحاجة الي مرشح سـلفي

لا وأزيدك من الطين بله

أول ما خشيت السفارة يمكن فيه فوق 1500 مصري .. وانا و خويي سعوطيين متنكرين

قالوا نشيدهم الوطني " بلادي بلادي .. " .. وحنا حطينا يدينا على صدرنا وبس نحرك براطمنا ولا ندري وش النشيد هههه
قلت يا ولد لا أكون خنت الوطن بهذه الفعله

ان شاء الله ياخذها حازم ابو اسماعيل

إقتباس

الرسالة الأصلية كتبت بواسطة دوق فليد


	الغالي FINAL10 كيف حالك إن شاء الله بخير ودي اللي يمسك الرئاسة حازم أبو إسماعيل.. من حواراته لديه فهم سياسي والأهم أنه ينطلق من حس إسلامي راح يخلي مصر ترجع لدورها الإسلامي خاصة وأن بعض العربان تخلوا عن دورهم الإسلامي وطلقوه بالثلاثة من زمان.. أما النية لضرب إيران فهي أحلام في أحلام.. يعني تحلم وفي وسط الحلم هذا تحلم مرة ثانية أننا ممكن نحلم نضرب إيران.. مدري ليه بعض الناس ماخذين الأمور على أنها وطنية لازم نقول إننا أقوياء ونغمض أعيننا عن المصيبة اللي احنا فيها أنا عندي وطنية ولكن وطنيتي لا تعني أن أكون غبي وأهايط بأننا نمتلك قوة رادعة في المنطقة..!! وكلامك عن درع الجزيرة صحيح ولكن الناس هنا أكلوا مقلب ومصدقين بأننا أقوياء عشان انخمدت الثورة اللي في البحرين.. يا عااالم ترا الناس اللي واجهتهم قوات درع الجزيرة ناس عُزل من السلاح وأي جيش في العالم لو واجه ناس عزل وش راح تكون النتيجة بالعقل وبالمنطق وبالحس الكوني وبالفول والطعمية..!! يعني العزل راح ينتصرون على الجيش خلوا عندكم شوية عقل<<< أنا أقصد اللي ماخذين مقلب في قدراتنا العسكرية والله يجيب العواقب سليمة وتعقل إيران وتحترم نفسها احنا مو قدها شكراً يا الغالي على وجودك ولكن متى راح يجي حازم أبو إسماعيل ووين..؟؟

هم المرشحين للرئاسه يجون بـ الرياض وجده .. لان المصريين بالسعودية 2 مليون
فهم يريدون كسب الاصوات ..وهكا

الي جاء بالرياض الى الان .. ابو الفتوح .. والعوا
حازم ابو اسماعيل يبي له ملعب كامل علشان الحضور ..!!

ما عليك اذا حددوا مكان محاضرته بعطيك خبر

بطلع برا صلب الموضوع بتاع " ايران " شوي وبرجع له

بدايه المشكله الي نعيشها حاليا والي لازال ابائنا متمسكين فيها ويربوننا عليها هي :

" ابعد عن الشر وغنيله "
" اسكت لا يحبسونك "
" مدام الضرر ما جاك مالك دخل "
" هم ادرى منك بالي يصير "
و وغيرها كثير ؟

طيب ليه ما يقولون لعيالهم ولجيلهم الجديد :
" كن شجاعا "
" لا تسكت على الظلم "
" انصر اخاك ولو خسرت بعض الكماليات "
؟؟

لماذا نربى على السكوت والسكوت حتى وصلنا لمرحلة اصبحنا واعذرونا على هالكلمه " كالبهائم ؟
اصبح سب الله ورسوله ودينه اهون من سب الطبقة المخملية ؟

حقيقة اتفق معك في ما تقوله .. ولكن من السياسة عدم تكلم فيها امام الملا
لانها ليس في صالحنا ابدا .. لا يهمني قوتهم العسكرية .. أهم شي نرجع للاسلام ونصبح
دوله اسلامية تطبق الشرعية وتخاف الله .. وربك بينصرنا اذا اعددنا ما نستطيع
لا تاخذ هم مضيق هرمز .. بل خذ هم الوضع الي بالديرة حاصل ؟

وضعنا مزري .. وافواهننا مكممة ، ما نقدر نقول الا " كلك حكمة يا طال عمرك .." " الي تشوف طال عمرك .."
ولا نتناقش ابدا .. بل لا نستطيع !!

عالعموم ان متفائل بما هو قادم ؟
تفائلوا معي يا أخوة