19/01/2012, 06:17 AM
|
| زعيــم جديــد | | تاريخ التسجيل: 11/12/2011
مشاركات: 3
| |
صباح الخير
شئ غريب للأمانة اللي يحصل لنا .. نبدى صح وبعدها نسترخي وناكلها بالاخر .. ماقد شفت مباراة لنا ضد البرشا نلعب برتم ونسق واحد لنهاية المباراة .. حتى نهائي الكاس كنا بناكلها أشواط اضافية بس نتفناها بالمرتدة .. هي مسالة لياقة ؟ .. ولا وش ذا العلة اللي ماتخلينا نلعب بنفس المستوى طول المباراة .. يعني حرام نتقدم وبعدها ناكلها .. وهذي المرة الثالثة برضو .. يعني بدينا صح وسجلنا .. كل اللي عليك تقفل .. خله يستلم الكورة وخله يسولف مع الاستحواذ تبعه .. قفل منطقتك وسلم له الكورة .. العب على مرتدك وهو الشئ اللي انت بطل فيه ضد ذا الزلايب .. لقمت صارت ثنين صفر مالقمت انت بكلا الحالتين فائز اللهم فرق الاهداف .. شئ يقهر ياجماعة كل مباراة نتقدم وتنقلب .. ليتنا نتعادل بعد لا ننهزم ..
التشكيلة اليوم مقبولة بحكم الغيابات .. الشئ الوحيد اللي نرفزني هو العك الكروي اللي كان يتفنن فيه التينتوب .. كل ماقطع كورة ياجلس يسوي بيراوغ اللي قدامه ياطولها وبالاخير يشتتها قريب .. طيب يامرر سريع للقريب او شتت بعيد .. كل تشتيته كان حولنا .. وبالشوط الاول بغينا نبلع هدف يوم قطعوا الكورة منه والونسو ساعه يصيح جنبه فاضي .. بكذا يأكد لي التينتوب لاعب مايصلح تسنتره ورى .. لانه يطول بالكورة واحتمال ينكنبنا وبغينا ناكلها اليوم بس ربك ستر .. كمهارة بطل وشفنا اوفره للبنز لكن ماتوفق بحطتها .. واضح انه عنده كم مهاري .. وغير كذا سلس باندفاعته ويتقدم بثقة .. لو لعب قدام كان افضل .. بدال ذا اللي محسوب علينا مهاجم هيقوين .. برود على دلاخة على فغارة .. يمين انه يمرض بالملعب ودك تطب وتصفقه تقوله تراك بكلاسيكو تحرك .. موقف كل شئ فيه من مخ الى تحرك بالملعب .. مامن امه فائدة .. لو حط التيبنتوب مكان البنز ونزل البنز راس حربة كان شفنا اداء افضل على الطرف .. برضو كارفيلهو اداءه مقبول مرة رغم غيابه الطويل .. وين تحصل لاعب ينبرش بالـ 18 وكله ثقة بانه يشيل الكورة .. هنا تبان الخبرة .. حتى راموس ودك ماعاد يشمها ظهير وحلاته قلب .. اداءه بطل بالحيل .. يدخل على الكورة بشكل ثقيل .. تحس له وزنه وهو مع المهاجم .. وحش وهو نص وحش ..
الدون اليوم كان بطل .. ياشيخ تحس انه يلعب من كل قلبه وهو يركض مع الظهير .. تشوفه راجع ورى ويستلم من مكان الظهير وكوينتراو قدامه .. تدري انه يبي يسوي شئ .. وسوى وسجل .. غير كذا اليوم يرفع راسه .. غير الكلاسيكوهات السابقة يركض ويعطيها مروحتين واوفر وانتهى .. اليوم في كل كورة تقريبا رفع راسه .. وكل ماحصل واحد من العيال قريب له مرر له وبدون مايتردد وياخر كورة .. تقريبا الافضل اداء هو .. ركض على الجناح هجوميا .. وغطى بنفس الجناح دفاعيا .. سجل .. ادى كل اللي مطلوب منه في مباراة كبيرة .. لكن الفريق ماساعده .. عن نفسي راضي كل الرضى عن الامير ذا .. ولو كل كلاسيكو يستمر بنفس الكيفية .. يصير حاقة كويسة ..
هجوميا كان البنز حليوه .. بس الكلاسيكوهات اللي قبل افضل .. ماهو سئ .. بس ماهو بطل .. وماراح اتكلم عن الزلابة هيقوين لانه بيمرضني وانا اتكلم .. بس البنز تمركز وتحرك ومرر وحسسك انه بالملعب على الاقل .. وحتى قرب يسجل لكن القائم قال له الخلا .. مع اني ماهضمته طرف بس نقول اداءه جيد الى نوع ما ..
النص عندنا كان ينقصه اللي يسلم .. تقريبا الونسو فقط اللي اذا قطع الكورة سلمها صح .. بيبي ولاس بنائهم للهجمة سئ بالنسبة لي .. خصوصا بيبي .. دفاعيا كان النص تبعنا بطل .. وقادر يظغط وشفنا هالشئ ببداية المباراة .. بس خف الظغط بعد كرت بيبي .. للأمانة دفاشته غبية بعض الاحيان .. من بدت المباراة وهو شغال انبراش .. طيب اركد واجلد بالشوط الثاني .. انت هين الكرت فيك فيك .. لكن اصبر شوي وخل الكرت للشوط الثاني .. بالعربي عط نفسك فرصة بالشوط الاول عشان ماتهجد بعد الكرت .. وهذا اللي شفناه هجد عقب الكرت وخف ظغطنا لانه بلع كرت من بدري .. عكس لاس اللي للأمانة حسيت انه يستخدم مخه لاول مرة في حياته .. يظغط بدفاشة بس بدون اخطاء .. شفناه دقر لميسي في النص اذا رجع في اكثر من كورة واجبره يرجعها ورى .. لو بيبي لعب بنفس الطريقة كان ماشفنا هالهجمات كلها .. لكن اذا هاج النمسيس هاج ..
بشكل عام المباراة تقهر وياكثر ماصرنا ننقهر من تالي .. ماغير نمشي ونلقم في ذا البرنابيو .. والبلا في كل مرة نتقدم .. وبالاخير يقلبونها .. وحتى تبديلات مورينهو اليوم ماشفت لها اي تاثير .. عموما نقول الغيابات لها دور كبير .. وبنفس الوقت نتامل في الاياب لعل وعسى .. اهم شئ الدوري بس والباقي بقريح ..
تقبلوا بربستنا عن كلاسيكو خيبة الامل المتجددة ..
|
