نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

magadeer_najd · #1 17/01/2012, 04:12 PM

الهلال في الفترة الأخيره كل يوم طالع لنا حدث جديد وسالفه جديده .. ماعهدناه عن البيت الهلالي انه يحل قضاياه وينهيها قبل تصل للأعلام .. اللحين صار العكس اخبار نادينا تصلنا من الأعلام قبل النادي !!
من المسؤؤل عن تسريب المعلومات والمشاكل في البيت الهلالي ؟ لازم الأداره تبحث في هالموضوع وتعاقب أي واحد يسرب معلومات ...

ثاني شي : لازم الهلال ينهي كل قضيه عالقه لأنها شتت الفريق وشتت الجمهور منها قضيه هوساوي لازم تحسم مو كل شوي يلعب بأعصابنا اتمنى ان الأداره توقع معه عقد لمواسم ولا تخلينا على درايه بما يحدث !!
الناقور والشهراني : ايضا لازم الاداره تسعى فيها بكل جهدها ولا تغلق هالباب نهائيا ترى القادسيه ذولي آخذين مقلب في انفسهم والمماطله والشروط حقتهم مانشوفها الا في حال التعاقد مع الهلال!!
الفريدي : اساسا من يوم تعاقد مع البلوي وانا عارفه انو راح يتعب الأداره معااه لازم الهلال ينهي هالموضوع كمان ..

آخر نقطه في هالموضوع : لازم الهلال يرجع يهتم في الفئات السنيه لان مايحب النادي ويخلص له الا ابن النادي اما اللعيبه اللي نشتريهم ونتعب ونصنع منهم نجوم مايطلع لهم ريش الا ع الهلال والامثله واضحه وكثيرره .. وياما فيه نجوم طلعوا من شباب الهلال مثل الشلهوب الدوسري والعابد

اما مباراتنا مع الأهلي

سواء لعب ويلي ولا مالعب الهلال صاكهم باربعه من دون ويلي يعني لاتكبرون الموضوع صح احنا مشتاقين لويلي والغلط كان في التفريط فيه من البدايه بس وش نقول !!
الأهلي زبدته " فكتور " اذا وجد اللاعب اللي يضايقه ويراقبه راح تسهل المباراه علينا اللاعب سو من اللحين لا يفكر دول يدخله لأنه ماخذ خانه على الفاضي لا والمصيبه طلع من يوم جا يفهم بالأشارات وتو جاب له مترجم !!

وآخيرررررا وأهم شي روح الحماااس والرغبه في الفوز اذا وجدت راح نفوز بنتيجه كبيرره اما اذا جلسو يسحبون رجولهم ويلعبون ببرود اعصاب فعليه العوض ومنه العوض

أتمنى التوووووووووفيق للزعيم ونشاااهده في أحسن أداء ... والجمهور اذا بتحضرون وتسكتون يمدحون الخشبيه فالبيت

وأتآآسف على الإطاله