ياهوووه تناقض عجيب اشوفه من بدأ الموسم ، الكل يقول أن الهلال متصدر بمجهود لاعبين وفاز على الاهلي و تعادل مع الشباب والاتفاق والاتحاد بمجهود لاعبين ،؟؟ وينه عن التعاون ما قدر يفوز عليه وين راحوا هاللاعبين ؟؟

يا حلوين اللي نلاحظه أن الهلال يتغير في الشوط الثاني واكثر أهدافه في الشوط الثاني وارجعوا للإحصائيات والشوط الثاني شوط مدربين.

المشكله في اللاعبين والله ما يمتلكون الروح ولا يقاتلون على الكوره ناس تستعرض وناس تلعب برود وغير ذلك أن تفكيرهم " كم أحصل من مبالغ وعقود " مو كيف أقدم وكم بعطي للنادي مقابل هالعقود . قسم بالله أن المشكله في اللاعبين لنا كم موسم نطلع من الاسيويه ونندق من الاتحاد على كثر ما غيرنا من مدربين واللاعبين هم هم أنفسهم ما تغير فيهم احد إلا الدعيع.

المشكله واضحه في عقلية اللاعب الهلالي يدخل المباراة وهو ضامن المباراة " حاطها بمخبااه " حتى المدرب أنتقدهم ويقول أن اللاعبين ما يقاتلون مثل " سلمان الفرج " . والكل شاف سلمان الفرج كيف لعب بمركزين مختلفين وبنفس العطاء والقوة.

لازم الهلال يدعم صفوفه المحليه بناس تحرث الملعب وقدوم ولي راح يغير المستوى وراح يرص المتخاذلين احتياط مكانهم الاساسي.