نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

Y o u s e f · #14 11/01/2012, 06:49 PM

ياقماعة

اللي يقول أن الدوري الإسباني أفضل علشان المشاركات الخارجية .. أي مشاركات تقصدونها ؟!
علشان برشلونة حقق دوري الأبطال ثلاث مرات ؟!

وين الفرق الثانية مانشوفها تنافس ؟!! مافيه إلا برشلونة هو اللي قاعد يلحّط بأندية العالم !
وين الريال اللي مافيه نجم ما أخذه ؟ .... أنا هنا أتوقف لأني ما أقدر أذكر أندية ثانية

ولو تبغى المشاركات الخارجية ..

مانشستر كان طرف بنهائي عام 2011 .. كان طرف بنهائي 2009 النهائي كان إنجليزي
خالص عام 2008 .. عام 2007 كان ليفربول طرف بالنّهائي .. عام 2006 كان ارسنال طرف بالنهائي
عام 2005 ليفربول بطل النسخة .. << هذا رداً على من يقول أن الإتحاد الدولي للإحصاء أخرج
هذا الترتيب لأفضليّة الفرق خارج الدوري .!

طيب أنا عندي شيء محيّرني .. ليه الدوري الإيطالي سحبوا منه مقعد وعطوه الألماني ؟!!
إن دل على شيء دل على أن الدوري الإيطالي مستواه نازل بعكس الدوري الألماني اللي
المنافسة فيها قوية جداً .. ومثله الدوري الإنجليزي !

الدوري الإسباني من عام 2005 والفرق بين المركز الثاني "يابرشلونة يا الريال

"
والمركز الثالث من ثمان إلى عشر نقاط ..!!! ياجماعة مووو معقووول التنافس هذا !
أنا جبت لكم الفرق بين الثاني والثالث فقط لاغير ..

وعام 2010 و 2011 الفرق بين الثاني والثالث 21 نقطة !!!! يقطع أم التنافس ياشيخ !

ياجماعة دوري يفوز فيه المانيو ع أرسنال ثمانية ! بعدين يفوز الأرسنال خمسة ع تشلسي
بعدين يفوز المان ستي على المانيو ستة .. بعدين يفوز تشلسي ع المان ستي ...إلخ

وش تبغون غير المنافسة يا الإتحاد الدولي للإحصائات ؟

بالنسبة للي يقولون أقوى فريقين بالعالم هم ريال مدريد وبرشلونة وع هالأساس أعتمد
الإتحاد الدولي للإحصاء هذا الترتيب ..
أنا معكم في أن البرشا هو الأقوى بالعالم .. لكن ريال مدريد وش قدّم علشان يكون من
أقوى فرق العالم بالسنوات الأخيرة ؟ علشانه جاب رونالدو وكاكا وأوزيل ودي ماريا
وألونسو وكارفالهو وبنزيما << تعب وهو يعد

، علشانه جاب هاللاعبين صار
أقوى نادي ؟!! وش حقق بطولات لا داخلية ولا خارجية ؟! وش قدّم شيء يشفع له
علشان نقول من أقوى الأندية بالعالم ؟ أنا ماراح أقول هالكلمة إلا إذا شفت الريال
يرفع دوري أبطال أوروبا فقط لاغير .. تعرفون ليه ؟ لأن الدوري الإسباني ماقدر
أحكم عليه بتاتاً البته .. ومستحيل أصنّف الفرق من خلاله

يلا .. نعيش ونشوف

متشكر