غير كذا التذكرة للدرجة الثانية بـ 20 ريال !!
لو فيه خدمات و مرافق تستحق كان ما فيه مشكلة لكن السعر مبالغ فيه
يعني لو أنا حضرت و معي 2 من أخواني و لا عيال أختي الصغار
بأدفع ما يقارب 100 ريال أو 120 ريال ( على حسب العدد ) !!

بصراحة الواحد يقول 120 ما تستاهل أحطها في مباراة مدتها ساعة ونص ( و أنا طالب جامعي )
غير أن المستوى بايخ و الخدمات سيئة ناهيك عن سوء تعامل رجال الأمن
و قذارة دورات المياه ( تكرمون ) و الأكل في الكافتيريات سيء ( الله يكرم النعمة )
بالله من وين تبون حضور !!

و لا تنسوى السنة هذي من أسوأ سنوات الدوري السعودي بالحضور
نتيجة لـ هبوط في مستوى الأندية بصفة عامة و على فكرة أعلى حضور جماهيري هالسنة هو 22996
و كان في مباراة الهلال و الأهلي بالرياض و يعتبر عدد متواضع جداً قياساً على الناديين و جماهيريتهم الكبيرة
و ترى معدل الحضور 4450 شخص في كل مباراة فقط !!
يعني موب بس جمهور الهلال اللي جمهوره ناقص حضوره كل الأندية مثلنا

و بصراحة أنا أشوف لو نقاطع المدرجات
لـ نرى ماذا سيفعل نواف بن فيصل و رفاقه بالملاعب و تطويرها
لأننا بصراحة ملينا من هالمستويات و الخدمات السيئة

* / قبل كم سنة كنا نستهزئ بـ جماهير الدوري القطري و الإماراتي ( للأسف )
و اليوم أصبحوا قريبين منا و يا خوفي نصير مثلهم نعاني من الحضور
نتيجة لسوء ملاعبنا