| السلام عليكم ورحمة الله وبركاتة ..
حبيت اشارككم الراي في سبب قلة الحضور الجماهيري خصوصا في استاد اللمك فهد الدولي بالرياض ..
1- المقاعد عندنا غير مهيئه ولا تساعد على الحضور تدخل الملعب قبل المباراة بنصف ساعه تجد اغلب الاماكن الي موقعها حلو محجوزه ... يعني لازم تحضر بعد صلاة العصر للتابع مباراة الساعه 8 ..
2-المقاعد بلاستك مقوى ويكسر الظهر وغير كذالك المساحة الي بينك وبين المقعد الي قدامك ضيقة جدا ولا تسمح بمرور احد ..
3- نظافة المقاعد نجد غبار .. فضلات طيور .. قشر حب .. ببسي .. الى اخره
4- من ناحية امنيه تدخل كانك داخل موقع عسكري او وزارة .. من عسكري في عسكري ارفع يديك نزل يديك افتح جيبك قفل جيبك .. ويبداء يحط يده ويدور المتفجرات الي معك والاسلحة النوويه والشعر المستعار .. استاد غوانتانامو ..
5- خدمات سيئة جدا جدا جدا جدا .. ببسي كله سكر ومويه وعصير ربيع يجيب حرقان ..
وفطيره لوزين باقي على انتهاء صلاحيتها 5 ايام لانهم يعرفون انها راح تستهلك في هذا المكان .. وشاي لا وبعد شاي حليب ماقصرو ..
6- مواقف الملعب ترابيه من جهة الشمال و تخاف على سيارتك من المرتزقه ..
ملاحظه : دوراة المياه هي افضل مافي الملعب ..
الاقتراحات والحلول ..
1- تطبيق نظام البوابات اللاكترونيه ( باركود) يعني تقص تذكرتك قبل المباراة باسبوع وتحجز مقعدك في الموقع الي تبيه عن طريق النت او عن طريق مكائن بيع ذاتي ( مثل طريقة البوردنق في المطار )
2- تقص التذكره وفيها رقم هويتك واذا جيت البوابه تطبق التذكره مع الهويه ومقعدك معروف ومحجوز مسبقا ..
3-تقسم المدرجات وتفصل عن بعض بحاجز وتوضع بوابات الكترونيه .. بحيث انك اذا جيت تدخل في قسم ماهو الي انت قاص فيه ما يفتح لك الباب .
4- توضع كاميرات مراقبه امنيه على كل قسم في المدرجات لمنع رمي اي شي ولمنع الفوضى . اي شخص يرمي شي او يثير فوضى يكون معروف ويتم القبض عليه بسهوله بعد اقفال البوابه لمنعه من الخروج ..
5- اي شخص يرمي شي او يسوى فوضى يوضع في قائمة بلاك لست مايدخل الملعب لمدة 6 اشهر ولا يقدر يقص تذكرة برقم هويته .
6- يتم تاجير الاماكن الخارجيه في الملعب باسعار رمزية لمحلات كبيره ومشهوره وكافيهات .. مثل ستار بكس .. د كيف .. وجبات خفيفه طازجه ..
كتابتي تمثل راى شخصي لي قد يكون صواب وقد يكون خطا ..
تقبلو تحياتي
ابونايف الروقي  | 