اتمنى من الاداره الهلاليه جلب مدرب صغير وطموح مو شايب وفاشل
فيه مدربين كثير مبدعين من ضمنهم سيميوني مدرب استوديانتس الارجنتيني
استغرب فيه ناس تقول الخلل من الاعبين المدرب ماله ذنب !
كيف وحنا باضعف مستوياتنا وهزيمه وحده وكم مره ينقذنا لاعب الفريق يفوز بدون مستوى
اذا بجهود الاعبين لان المدرب عنده التكتيك والتوظيف
لاحظ الدفاع كيف ضايع وكله من المدرب مايعرف يوظفهم
لاحظ الهجوم والوسط كيف يطيحون بمصيده التسلل من الخصم وكله مافي تكتيك ولاتوظيف من المدرب
لاحظ الاظهره كيف مستواهم
الاجانب للاسف مالقوا من يوظفهم كويس
وصدقوني لو بيرجع ويلي ماراح نستفيد شي لان هالمدرب باختصار فاشل ولايدري ايش التدريب كله من الاعبين
- اتمنى جلب ويلي ومدافع اسيوي والبقاء على العربي وهرماش رغم اختيارهم الغلط بظل مشاركاتهم مع منتخباتهم خصوصا بطوله افريقيا الشاطحه بتوقيتها كالعاده
- ضروره التعاقد مع الشهراني ياسر باسرع وقت ممكن لانه لاعب يحتاجه الهلال كثيرا ونوادر بالعالم يلعبون بالقدمين خصوصا بالاظهره وهذا مكسب كبير للزعيم باذن الله
- انا استغرب بقاء الغنام بالهلال وبيع الغامدي والبرقان !
فحقيقه الغنام لايستفاد منه اطلاقا واخطائه الفرديه كثيره جدا وتخبطاته اضف الى ذلك اصاباته المتكرره
- البيشي لاعب مبدع بس لو يفكه الله من مزاجيه المدربين وقتل موهبته بتلعيبه محور وقلب دفاع
- عبدالله الزوري فقيده بصراحه وهو مكمل للنرشدي ولاحظ مستوى المرشدي انخفض باخر 3 مباريات غاب عنها الزوري !
- حسن العتيبي وثقته الزايده بنفسه الى متى !
- احمد الفريدي الى متى تبحث عن جماليه الهدف ونصف الشعب يحترقون ببروده اعصابك وضياع فرص محققه يعني تفنن ياكابتن لاصار فريقك متقدم مو يبحث عن هدف
- خوفي يكون الاتحاد عقده تمشي معنا وتكبر مثل الاسيويه والله يستر