من المتعارف عليه في كل اندية العالم انك تجيب مدري ثم المدرب يختار جهازه ولاعبينه الاجانب وان امكن الاعبين المحلين والاعبين اللي بيخليهم والاعبين اللي النادي ينسقهم
هذا عند الناس اما عندنا تجيب اجانب دون اية استشارات من احد بس مقاطع في اليوتيوب وشوية اخبار من قناة الجزيره ثم عقب هذا وذاك تختار مدرب ماله اي سجل تدريبي ثم تقول له يالله امسك الفريق يا اداراه يا فاهمين اذا اردتوا محاسبة دول عطوه كل شي عطوه الخيط والمخيط ثم حاسبوه اما انكم تختارون اجانب وتنسقون لاعبين وتجيبون لاعبين ثم تقولون المدرب السبب ....!!!!
@ مايمز ادارة الهلال انها تدفع ملاين في الاجانب في حين انها لاتفاوض اسماء كبيره محليا والحجه الانديه تبالغ .....؟؟؟؟ @ منذ قدوم ياسر
لم نر اسم محلي في الهلال تم التعاقد معه كل التركيز على الاجانب وياليتهم يكملون لازم يطلع لنا كل سنه واحد اعرج مره سيول ومره احمد علي والحين ماشاء الله جميع الاجانب كالرجل الاعرج لايغنو ولايسمنو من جوع @ ياليت يصير فيصل ابو اثنين مدير للفريق وسامي يتفرغ لدوراته ومشاريعه لانه مب فاضي للهلال @ تخيلو فريق القرن الاسيوي لايستطيع جلب صانع لعب منذ 3 مواسم والله فضيحه @ خط دفاعنا على كثرة اخطائه وارتباكه الى انهم يشكرون لانكم ياساده ما فكرتوا اذا اصيب هوساوي او المرشدي من البديل @ الغنام ممكن اي لاعب ينسق او يعتزل الا هو احس انه عضو مجلس اداره مب لاعب والله غرفة العلاج اشتكت منه @ ليه ما نعطي الاعبين الشباب فرصه لإثبات انفسهم شوفوا الاهلي جرب وجرب وجرب واخيرا طلع له جيل قوي وحنا للحين خايفين نلعب الشباب لان ما عندهم خبره @ ترى حتى لو جيريتس جا على روح لاعبيننا الحاليه ما اظن انه يسوي شي @ والله ما عرف لغرور لاعبيننا الا دول هذا الفريدي معصب لان المدرب بدله اليوم سلامات يا كابتن من زين لعبك الحين والله ان انت قاتل لروح الفريق @ الدوسري كم تمريره مقطوعه وكم تسديده والنتيجه صفر @ العابد يابابا ترى في معك 9 لاعبين مو لازم انت تشوت وانت تناول وانت ترفع الركنيه وانت ترمي الاوت ارحمنا يا ميسي زمانك الله يعدي هالموسم على خير
