السلام عليكم ورحمة الله وبركاته ياشباب والله انا اليوم صليت العصر في حي المنار طبعا هذا الحي خلف فرع موبايلي الي بخريص المهم انا صليت وطلعت لموبايلي قلت اكيد بلقى عندهم التذاكر دخلت الفرع واخذت رقم وعلى طول حولوني للموضف جيته وقلت ابي تذكرة مباراة اعتزال الدعيع قال حنا ماجانا شي من النادي طيب قلت وين اروح قال روح لم استاذ الملك فهد والا الملز والا متجر نادي الهلال طبعا انا من الصعب اني اروح لم التحليه او الملز لنو انا مامعي سياره وصلني اخوي الاهلاوي طلبت اخوي قلت انه يوديني لم الاستاد لنو اقرب شي لي انا طبعا انا من سكان حي النسيم قال اوكي ولما وصلنا لم الاستاد قالو حنا ماجنا ولا شي روحو للفرع حق موبايلي وتخيلو الجمهور عند الاستاد يبون تذاكر لكن ماحصلو وكلهم جايين من الفرع الفرع روحو لم الاستاد والاستاد روحو لم الفرع ( الشغله مرمطه )
انا الى هالوقت ماحصلت تذكره بالله قولولي كيف بكره بشوف المباراه بالملعب .؟؟!
واعذروني على كثرة كلامي لنو والله من القهر الا حصلته العصر ومن قهر المباراه
ودمتم سالمين ......
