.







112 مبارات في جميع المسابقات = 112 هدف في جميع المسابقات !
اذا هذا الرقم بالنسبة لك يعتبر شئ سهل ! أو تعتبر كل هالأهداف جت قدام الفرق الصغيره ، فما ادري حقيقة وش ارد عليك ؟؟!!

و مرة ثانية اذا ما تعتبر ان فيه فريق كبير غير برشلونة ، فريال مدريد ككل قبل رونالدو ما يظهر الا امام الفرق الصغيرة !
وهذا مهب منطق !

برشلونة مع فائق احترامي مهب اكبر همي !
اذا الفريق حقق الليقا مع خسارة كلاسيكو الذهاب و الإياب فهذا بالنسبة لي يعتبر نجاح والعكس يعتبر فشل !


وبعدين اذا جيت لاسباب تدني نتايجنا قدام برشلونه فالسبب مهب رونالدو بلحاله !
من موسم 2009 "بيلقريني" إلى الآن لعبنا 10 كلاسيكوات !
خسرنا (6) ، تعادلنا (3) ، فزنا (1) !
فريقنا سجل (8) أهداف -رونالدو (3) ، بنزيما (2) ، مارسيلو (1) ، الونسو (1) اوزيل (1)ـ !!! واستقبلنا (18) !!!

يعني الـ(3) اهداف الي سجلها رونالدو ومهب عاجبتك تخليه يكون هداف الفريق قدامهم !!

انا ما ادافع عن رونالدو هنا ، لكن ما اعتب عليه بلحاله لأن الفريق ككل يضيع قدام برشلونه ! و السبب مهب نفسي بقدر ما هو فني !

فريقنا حالياً يلعب مبارياته و معدل استحواذه على الكوره فوق (65٪) و قدام برشلونه استحواذنا يتقلص لـ(35٪) !

الفرق واضح ، لاعبين الهجوم عندنا تجيهم كور اقل بكثير من ما هو معتاد لذلك يكون المهاجم متسرع بقراره لانه عارف انه اذا ما استغل هالكوره بيقعد فترة طولية ينتظر فرصة ثانية يمكن تجي و يمكن لا !!!

و دفاعنا يتعرض لظغط يفوق الظغط المعتاد بالكثير ولازم كل لاعب يكون بقمة مستواه عشان تقدر تمنع البرشا من التسجيل !

المشكلة هذي مهب فينا بلحالنا ، كل الفرق الي تقابل برشلونه تعاني من نفس المشكلة و اكبر مثال هو مانشستر العام بنهائي الابطال !


فريقنا اذا يبي يفوز على برشلونه لازم يوصل نسبة استحواذه لـ(50٪) أو يلعب بثلاث محاور ويقفل و يلعب على المرتدات !
لكن تفتح اللعب واستحواذك (35٪) منتب فايز !


.