يا عيني على الكلام السنع

والله هالموضوع من أهم مواضيع الشبكة من فترة طويلة

ضروري كل { هلالي } يعرف هـ ( الحقائق ) الموجودة بالموضوع

ربي يشهد إن هذا هو تفكيري بالضبط .. وهذا إللي أوصي عليه دايما كل هلالي

و دائما أتألم لما أسمع صيحات إستهجان على أي لاعب هلالي من الجمهور الهلالي

يا أخي إذا ما فيك خير للهلال .. إكفه شرك و لا تحضر

بتكون سويت جميل تُشكر عليه

أتخيل نفسي بس لو أنا بدال أي لاعب هلالي و أسمع جمهور فريقي يصرخ

إستهجان مني !!

هذاك الوقت راح ( اكرهـ نفسي )

من ناحية إختيارات الإدارة و اللاعبين الموجودين حالياً

ما يحق لأحد يجرح فيهم أبدا ..[ الإنتقاد الفني ] شيء جميل .. بس برضو ضروري

قبل نطالب أي لاعب بحق من حقوقنا كجمهور هلالي إللي هو المستوى المتميز

بالمقابل اللاعب له حق علينا إننا نشجعه و نشد من أزره و نصبر على أخطاءه

فيه لاعبين ألحين مستواهم الفني قل عن السابق

بس لا ننسى إنهم بيوم من الأيام فرحونا كثير وكانوا نجوم مباريات كثيرة

شوي تشجيع بس .. و نعطيهم ثقة .. و نصبر عليهم

بعد كل هالأشياء نقدر ننقتدهم فنيا

من ناحية الإدارة الهلالية .. والله الذي لا اله الا هو إني ما أقلق على الهلال و
هالإدارة موجودة

و أتمنى إنها تجدد أربع سنوات قادمة

أنتم شوفوا بس إدارات الأندية الأخرى .. و تعرفون النعمة إللي محروم منها غيركم

ضروري تعرفون إن إدارة النادي همها مصلحة الفريق فقط فقط فقط !!

ساعدوا الإدارة بالصبر عليهم و بتشجيعكم للاعبين

لما يقول رئيس النادي : يا جمهورنا العزيز احضروا المباراة

ضروري تحضر .. حتى ما تترك للإدارة عذر !!

و إذا ما حضرت .. ما لك أي حق تطلب من الإدارة أي طلب

( الإدارة - أعضاء شرف - الجهاز الفني - الجهاز الطبي - اللاعبين - الجمهور )

منظومة متكاملة أي حلقة منها تُفقد .. راح يتدهور الفريق

لازم يعرف أي شخص هلالي ( رجل ) .. أن أي إخفاق للفريق .. يتحمل هو جزء منه .. لعدم الحضور للملعب و تشجيع اللاعبين و رفع معنوياتهم

و إنما قام بالتشويش على الإدارة و محاولة إضعاف الثقة في اللاعبين و نقدهم من خلال مباراة أو مباراتين


في بالي كلام كثير !!

أكتفي بهذا القدر

عسى ربي يوفق هلالنا .. و يوفق كل من يعمل لمصلحة الهلال


موضوع أكثر من رائع .. أتمنى تثبيته و إيصاله لأكبر عدد ممكن من جمهور زعيم آسيا



عذراً :
كلمة " شكرا " فقط ما تكفيك M!SS WILHEMSSON

و لكن لكِ من القلب : أمنيات و دعوات خالصة