نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - عاجل : جيريتس يوصي من المغرب بإشراك عيسى المحياني خارج الصندوق .!! والمطوع بديلآ للفريدي .؟؟

هند الشمري · #5 28/12/2011, 09:35 PM

بصراحه موضوع رآئع وفيه من الواقعيه والمنطقيه والمبررات المقنعه الشي الكثير ،
بس جماهير اللاعب المظلوم مايرضون بقول الحقيقـه لأنها مُرّه ولاترضيهم !!
يعطيك ألف عافيه أخوي ولآيهمونك العاطفيين ..

إقتباس

الرسالة الأصلية كتبت بواسطة معشوق الهلال خالد


	اكيد ياسر افضل مهاجم في العالم ميسي يقول حلم حياتي اصير مثل ياسر القحطاني مهاجم العين الاماراتي وين الاسطوره ياسر عن مباريات ذوبهان ،،ام صلال،، الاتحاد في اسيا حبيبي لو ابي اجيب لك الهجمات اللي ضيعها ياسر من يوم جاء للهلال راح اجيبها لك في خمس دقايق العربي ثالث هداف الدوري الفرنسي واللي سجل في مرسليا وليون وبوردو تقارنه بلاعب اهدافه في الفيصلي والحزم ..! العربي في 13 مباراه يقترب من المعدل السنوي التهديفي لياسر في الدوري..! ياسر معدله السنوي في الدوري عشرة اهداف اما العربي في 13 مباراه ثمانية اهداف بدون ركلات جزاء من الظلم المقارنه بين لاعب له معك ست سنوات وبين لاعب ماله معك غير خمسه شهور..! اما مايخص هجمات العربي فهجمته قدام الشباب ابعدها معاذ في اخر لحظة ولاهجمه قووووووول وقدام الاتحاد وضع الكور في زوايا صعبه لكن ربك وفق مبروك وتصدى لها..! يكفي انه اجتهد ماجلس يسحب رجلينه ويوزع ابتسمات ..! وجميع مدافعين الاتحاد المولد والسعيد وتكر اخذو كروت صفر بسببه ..! اما عيسي المحياني يكفي انه كان اساسي في منتخب الشباب وياسر كان احتياطي له..! يكفي انه هداف الدوري السعودي 2006 مع الوحده وكل موسم له مع الوحده كان ينافس على الدوري والشمراني لاعب الشباب كان احتياطي له..! فيما ياسر ماعمره في حياته اخذ هداف الدوري لامع الهلال ولا مع القادسيه حتى في موسم جيرتس الهجومي كان هو رابع هدافين الهلال خلف وسط الهلال الشلهوب 12 نيفز 11 ويليهامسون 10 ياسر القحطاني 9 ياساتر مهاجم الفريق رابع هداف الفريق وكان بامكانه الفوز بهداف الدوري ذاك الموسم نظير مستوى الهلال الكبير ونظير ايضا عدم وجود منافسين له على صدارة الهدافين فهزازي والشمراني الموسم ذاك كانو مصابين بالرباط الصليبي مع ذلك القناص لم يحقق هداف الدوري..! اما مايخص ان عيسي اخذ فرصه بعد هروب ياسر بعد خروج ذوبهان فاولا بعد خروج ذوبهان جيرتس ترك الفريق وجالس الهلال بدون مدرب لثلاث مباريات النفسيه كانت سيئيه جراء الخروج الاسيوي علما ان الدوري توقف عشان بطولة الخليج..! يعني بلاش قلب الحقايق ترانا ناس عارفين الكوره ونعرف التاريخ فبلاش قلب للحقايق.

واضح انك تعرف كوره
والدليل تبحث عن "فرد" بمباريات تغيب فيها المجموعه !!
إنتهى زمن اللاعب الواحد الكوره الآن لعب جماعي ، مشكله لاجاك الواحد متأثر بالكابتن ماجد
على فكره ترا المحياني وهو هداف الدوري ويعيش أفضل مستوياته الفنيّه 2006 ماضُم للمنتخب ،
بينما ياسر بالوقت ذاته أساسي بالمنتخب على حساب الأسطوره سامي ويسجل بكأس العالم !!
الأرقام مُهمّه ولكن القيّم الفنيّه لاتقل عن أهميتها بل تتفوق عليها
والدليل هداف دوري لايضم للمنتخب ، وآخر "متمكّن فنيّاً" يقود هجوم منتخبه !!
وبخصوص إنك تقلل من أهداف ياسر وتقول اغلبها بفرق ضعيفه ،
ممكن تقول لنا الـ 8 اهداف اللي سجلها العربي كانت بمين ؟

والشي الثاني اوجعت روسنا وانت تردد رابع هدافين الفريق بالدوري
ترا اللي بينه وبين اللي قبله هدف ، هدفين ، ثلاث اهداف لا أكثر!
وعلى فكره ترا بنفس العام اللي تقول انه رابع هدافين الهلال
كان ياسر فيه أكثر لاعب سعودي تسجيلاً للأهداف بمختلف البطولات ،
اما تظليلك بسالفة (هروب) ياسر .. أقولك بس بلاش تظليل
ولو فيك خير تعطينا دليل على كذبتك يـ اللي تعرف الكوره والتاريخ ~