الأغلبيه تتغنا بالفريق .. سيطره وضغط وهجمات ضائعه .. وهدف ..
كل هذا ما يساوي شي .. لأن الاتحاد بهجمه بسيطه قدر يقاسمنا النتيجه ..
فريقنا لا زال يعاني من العك .. وعلشان اللاعب يسجل يبيلها الكوره تحوس لدرجة انك ما تدري الهلال يبي يهاجم والا يستهلك الوقت .. وفي الاخير تضيع مجهوداتك بهدف سهل كان ممكن يتكرر لو تحرر الاتحاد بشكل اكبر من الي شفناه بشوي ..

الغريب ان الكثير يشيدون بأداء الهلال وهجوميته وبالاخير يختار العتيبي نجم للمباراة .. معناها انه انقذ اكثر من هدف وانقذك من الخساره .. شي غريب .. !!

في نظري الهلال لا زال يبحث عن نفسه .. حتى لو فاز تبقى عندنا سلبيات كثيره من بداية الدوري للحين ما تحسنت .. تمرير خطأ .. بطء في التحضير .. ضياع الفرص السهله .. اللعب الفردي .. غياب المنهجيه .. عدم استغلال الكور الثابته .. ركنيات وضربات حره ..
هرماش مع الوقت بإذن الله بتبين فعاليته وثقله في خط الوسط .. وبيصير مايسترو الفريق ..

اتمنى قبل الاستغناء عن أي لاعب ... الاستغناء عن المدرب .. وجهة نظري ان المدرب ما عنده سالفة في موضوع توظيف اللاعبين .. وبعد كل مؤتمر صحفي يثبت للناس انه متوهق .. وفي كل اخفاق في المستوى يرمي المسؤولية على جهه .. مع انه في كل مباراة يفاجأك بتغيير غريب عجيب ما تدري وش الهدف منه ..

هارد لك .. صدارة الدور الأول ما تضمن الدوري ولكنها تعطيك دافع أكبر .. وتحبط معنويات خصومك بشكل أكبر ..
اذا الشباب يبي الدوري عليه بس انه يفوز على جميع فرق الوسط والمؤخره .. ويتعادل مع فرق المقدمه .. وينتهي الموضوع ..