اقسم بالله العظيم اني كنت نصراوي ومتعصب حتى عام 1406 ورجعت الرياض وكان عمري ذاك الوقت 18 سنه وعلى طول ماصدقت رحت مدرجات النصر ولا اترك تمرين ولا مباراه حتى تمرين الناشئين ما يفوتني من زود التعصب لكن ما لكم علي يمين اني كنت اسمع كلام في المدرجات الصفراء واشوف اشكال يا جماعة الخير ما تصدقون (على ايام ابو يمن)

جاء ذاك اليوم ورحت مع اخوي للملز مباراه بين النصر والهلال (فاز فيها الهلال واذكر الحبشي سجل هدف ) وكنت في مدرج الهلال مع احوي اللي يكبرني بسنتين وقال لي طالع وش رايك في الناس هنا شوف على يمينك وشمالك والله العظيم اني ما شفت من الاشكال (اهل ثياب النوم والشمه والكلام الشين ) اقول ما شفت احد كل اللي شفتهم ناس يفتحون النفس وملابسهم نظيفه ومحلقين (هذي حلوه)
لا تنسون ان ماجد والهريفي ومحيسن ويوسف خميس كانوا في اوج تالقهم وفي الهلال كان النعيمه والمصيبيح (اللي بعض الناس ما يحبه الان) والثنييييييييييان وسعد مبارك والحبشي والتخيفي (صرت محمد رمضان الله يعزكم) والبيشي وعبادي والعشيوي وعادل عبد الرحيم كانوا هؤلاء في اوج تالقهم
والله العظيم اني تحسرت على كوره لعبها ماجد عرضيه على خط السته وكان يبغى لها واحد يدفها دف ولا كان فيه احد وطرررررت في السما وكلا طالع فيني واستحيت (لا والله خفت ) لاني متاكد لو حد سواها في المدرج الاصفر كان طفوا السجائر في اذنه

والله الغظيم اني ما سمعت كلمه وحده بس انحرجت احراج ما تتصورونه
رجعت البيت وضربت اخماس باسداس ودريت اني مفتون بماجد لكن شوف من اللى مع ماجد وشوف من اللي يشجع ماجدوشوف كم فيه واحد في الجهه الثانيه شوف ابو يعقوب وشوف الامبراطور وشوف جن الملاعب (اشهد ان كان به جن ) ومن يومهاتركت النصر غير ماسوف عليه

اليوم الحمد لله بصحه وعافيه ولا فيني لا ضغط ولا سكر وفلوسي في جيبي ماراحت للصيدليات (المناوبه) والبطولات عد واغلط والمنتخب فيه 11 مقابل 2 وماجد اللي كنت احبه جاء احب منه سام 6

اقسم لكم بالله ان هذا اللي حصل ولا فيه اي تغيير الا بعض الملح

طيب اذا كان واحد متعصب مثلي ويترك النصر في عزه هل هذا غريب ? فما بالكم باليوم والنصر ما عندك احد ? ما تشوفونهم فرحانين من بطولة الاهلي تاكدوا ان اي واحد يتمنى البطوله لفريق ما غير فريقه انه غير مقتنع في فريقه هذه حقيقه فكروا فيها زين