نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

الزعيمي ماجد التميمي · #13 20/12/2011, 01:48 PM

إقتباس

الرسالة الأصلية كتبت بواسطة AHMED999


	والله الكابتن ياسر / ماقل شي غلط وانتقد الأدارة لأنها لم تقدرانجازه ولو بكلمه ... وبعدين ليه دائم بعض الجماهير تبي تبين ان الأدارة ماتغلط وتحمل الغير الغلط .. الأدارة قصرت ومن حق ياسر يعاتب بطريقة الي يراها ... والله لو ياسر ماقال هالكلام ماكن باركو له ...

عفوا .. يبدو لي ماقرأت الموضوع بالكامل .. لو لاحظت أنا ذكرت : إنه حتى لو كان العتب أو الانتقاد صحيح وانتقاده في محله وكلامه ( حق ) .. إلا أنه السؤال اللي يطرح نفسه هل هو مناسب إنه يطرح هذا الانتقاد وهذا العتب قدام الله وخلقه وقدام اللي يسوى واللي مايسوى ؟؟؟ ياأخوان خلونا شوي نكبر عقولنا .. في شي اسمه ( مصالح ومفاسد )
وأحيانا كلمة الحق إذا كان منها مفسدة راجحة الأفضل بل الواجب إنها ماتقال والأمثلة كثيرة .. أنا ذكرت في موضوعي وآمل منك أخي إنك تتأمل كلامي زين :
وش المانع أو ايش الشي اللي منع لاعبنا الكبير ياسر الله يوفقه : إنه يتصل بجواله على رئيس النادي أو نائبه أو مدير المركز الإعلامي أو أي شخصية اعتبارية بالنادي يوصل لها عتبه وانتقاده ؟؟؟ ايش المانع ؟؟ وش اللي منعه وربط على يديه انه يتصل ؟؟؟ لو فرضنا إن جواله متعطل ، فيه شي اسمه ايميل ، فيه ألف مليون طريقه يقدر يتواصل فيها مع إدارة النادي ويوصل فكرته بكل هدوء واطمئنان بدال الشوشرة اللي حاصلة الحين؟؟؟ انا كلامي هذا لأني اعرف ياسر وأعرف انه يملك عقلية جبارة لذلك استغربت منه هذا التصرف !! فقط لاغير ، وإلا لو كان من اللاعبين اللي ماينشره عليهم ماوصلت له هالرسالة ولا شرهت عليه من اصله ، لكن ولأنه إنسان فاهم ومتفهم وعاقل كتبت هالرسالة .. واتمنى ردي هذا يكون رد لجميع الردود المماثلة لرد الأخ ولكم مني التقدير والإحترام .