الف مبروك مانشستراويه الثلاث نقاط ، ما شفت الشوط الثاني راحت علي نومه من التعب لكن حاليا اشوفه اعادة . مستوى مطمئن في فترة مهمه و صعبه و في افضل فترة ننتزع الصدارة فيها راح يكون ضغط على كل الفرق و اختبار لياقه لـ اللاعبين . لا شك بـ انه يقدم مستوى رائع و صار يعمل الفارق بـ الناحيه الدفاعيه في الفريق لكن بـ اعلق على كم نقطه سلبيه فيه . - اكثر من لقطه في منتصف الملعب يتأخر في لعب الكورة و ثنتين منهم ارتدت علينا و كانت فرص خطرة لكن الله ستر . - اللاعب ياخذ راحته قدامه بـ سبب ان كاريك يهتم بـ التغطيه اكثر من الضغط على حامل الكرة و هـ الشيء يجعل عند اللاعب الخصم اكثر من خيار اماا التسديد او التمرير ، و بما اني ذكرت هـ النقطه لازم اذكر جونز اللي ملاحظ انه يقدم عكس كاريك لانه يضغط على حامل الكرة و يهمل التغطيه . عوده خافيير مهمه لان السير بـ التأكيد راح يداور بين اللاعبين في المباراتين الجايتين و لازم يكون لكل لاعب بديل متميز له . مشاركه فالنسيا ما اتوقع لـ انه افضل من اشلي لكن اتوقع ان السير مخطط انه يريح اشلي لـ المباراة الجايه و ما راح استغرب اني اشوف بارك و اشلي داقينها اساسي في المباراة الجايه , قدامنا فولهام في الكوخ يوم الاربعاء ، السيتي راح يقامل ستوك ولاني متأمل ان ستوك يقدر يوقفهم لو بـ التعادل لان المباراة بـ الاتحاد لكن نقول ان شاء الله الاهم من كذا احنا ما نتعثر . بيرسـي انتبه تراه قرررب طلال تأخرت علينا تراك ، خخخخخخخخخخخخخ بـ انتظارك راجع لكم بعدين بـ تصاريح و اخبار و احصائيات ان شاء الله
