Hala Madrid

< type=/> vbmenu_register("postmenu_19301715", true);

إقتباس نقطه اخيره ابقولك اياه : فريقنا يلعب عشان يجيب بطولات موب عشان يفوز على برشلونه . فكر فيها وبتفهم وش اقصد

لاتسقني ماء الحياة بذلة && بل فاسقني بالعز كأس الحنظل

انا ابي بطولات مثل برشلونه يهزمونك ويجيبون بطولات وش فيها ذي ؟؟؟
مب احسن من بطولات على فرق متوسطه وصغيره ؟؟؟

بطولة ليست مثل كأس الملك الموسم الماضي لا اريدها
ان تاخذ البطوله وتذل خصمك الازلي بحجر واحد هذي هو المعنى الحقيقي للبطوله

اما ان تاخذ الدوري وانت مصقع رايح جاي من برشلونه اي طعم لهذه البطوله ؟؟؟
الحين برشلونه متربع على العرش
وانتم تقولون الريال هو اللى بيزيحهم عن مكانهم ويتربع على العرش
ولن تزيحهم الا اذا رديت المكيال بمكيالين واظهرت للعالم انك انك اسم على مسمى

تقبل فائق تقديري

فارس الناصر

إقتباس لو كلنا بنفكر زي ماقلت ترى ماعاد بيبقى مشجعين لكل الأندية أجل وش تقول عن مانشستريونايتد اللي طالع من الأبطال من المجموعات ومهزوم على أرضه في الدوري 6 ولاتصدر الدوري الى اللحين طيب وش تقول عن المان سيتي اللي يكب من هالدراهم ولا قدر يعدي دور المجموعات طيب وش تقول عن الآرسنال اللي ماحقق الدوري من 9 سنوات ولاعمره حقق الأبطال طيب وش تقول عن الإنتر المترنح اللي قبل سنتين جاب الخماسية واللحين مركزه ال9 روما اللي آخر دوري حققه 2001 يوفنتوس من 6 سنين مالعب في الأبطال

معليش بس كل الفرق اللى ذكرتها لا تقارن بسيد القاره الريال
من هم روما وارسنال والسيتي عشان تقارنهم بالريال ويوفنتوس

انت تعرف انك مريت بمثل ظروفهم وجلست 7 سنوات ماتجاوزت دور ال 16
لكن ان تمتلك افضل مدرب وافضل لاعبين وافضل رئيس
ولما تجي تبغاهم تجد التخاذل هنا مربط الفرس

إقتباس وعلى فكرة ترى ميسي لما ضيع البلنتي الجمهور وقف معاه وأنت تطالب إن الجمهور يوقف ضد نجومك

صحيح ميسي ضيع بلنتي
بس الجمهور حقهم مو غبي
يعرفون ان ميسي وهو بعمر 22 سنه ياما وياما جابلهم بطولات
ويعرفون انه سبب كبير في مجدهم وتربعهم على الكرة العالممية
وقفت يعني على نقطه واحده بالتعادل ياشيخ يفداه دوري مو نقطه وحده

ميسي وقت الحاجات يبدع ولايتخاذل
ميسي وقت الحاجه يسجل ويصنع وهنا الفرق
وقبل ساعات قليله جابوا بطولة كأس العالم للانديه وكالعاده وضع لمسته بهدفين
واذا بتقارن من هالمنطلق اسمح لي المقارنه ظالمه ومجحفه تماما
فمن يده بالماء ليست كمن يده في النار


Super Mou

إقتباس أخيراً : أنت شكلك تتحرى الهزيمة وترد دائماً نشوفك في الأوقات الصعبة , إذا انهزم الفريق دائماً تكون متواجد بعكس إذا كان فائز , أشكر لك وقفتك مع الفريق في أوقاته الصعبة

حبيبي لاتغرك قلت المشاركات
انا شاركت افراح واتراح الريال زمان قبل لا تسجل في المنتدى
يمكن وقتها انت في المرحله المتوسطه او الابتدائيه


انا مايهمني رونالدو جاب هاتريك واجي هنا انزل صوره واحط عبارات مدح ومدري ايش وفلان طالع اكه باللبس الجديد وازخرف الصوره فالفوتوشوب واعلق عليها (( هذي كلها ولى زمانها بالنسبة لي ))

انا اللى يهمني الفريق ككل ولست ممن يشجع اللاعبين
اذا الفريق اللى اعرفه واثق فيه ويخذلني وقت الحاجه هنا تكمن العلة ولابد من ايجاد تفسير منطقي لها

اما ان يتعدل الوضع في قادم المباريات او الباب يفوت جمل على ماقالوا
وعمر الريال ماوقف على لاعب
بمعنى انه اذا رونالدو وطقته يستمرون بخذلاننا وحنا في امس الحاجه لهم
فالريال بغنى عن امثالهم
وياما الريال استغنى عن ابطال
فما ظنتي توقف على جبناء


ولاتنسى ان خصمك ليس كالخصوم في انلجترا او ايطاليا او في اي دوله
انت خصمك لايعترف فيك وحاقد عليك&&
ويعتبر خصمك كرويا وسياسيا
فريق يطالب بانفصاله عنك && فريق يصل لذروة الفرح عندما يراك مهزوما



ومن قال انها مجرد 3 نقاط هذا لايفقه في تاريخ الفريقين شي فالهزيمه تكون بمعنى العار على المهزوم
ومع ذلك تمر الهزيمه تلو لهزيمه مع الرعب النفسي لفريقك ولاتجد من يلقي لها بالا
وما ان يبدع المتخاذلين في اول مباراة لهم بعد الكلاسيكو تجد المديح واستقبال الابطال

مايدرون انهم قبل اسبوع عجزت تشيلهم عظامهم