| . السلام عليكم ورحمة الله وبركااته . صبااحكم آو مسائكم خير | ... منيب فاضي اكتب مقدمة .. لذلك ندخل على المواضيع بسرعة الرمية الملتهبة ** بالنسبة لـاصابات الفريق للملومية رافائيل وبرباتوف اصبحوا جاهزين ميه بالميه للمشاركة يوم غد بس القرار الاول والاخير يرجع للسيراليكس فيرغسون واندرسون رجع يتمرن على خفيف وكليفرلي يبي له وقت حتى يرجع مثل آول ,, عموماً اصابات الفريق فترة بسيطة وتعدي بس المشكلة بالثنائي [ فيدتش, فليتشر] عنصرين مهمين في الفريق ,, بصراحة صعبة انك تفقد افضل مدافع في العالم ومعه افضل وسط في فريقك .!! ليتها بإيفانز وايفانز .!! ** الان اليونايتد يمر بفترة سهلة نوعاً ماا . يجب عليه استغلالها بأفضل الطرق يجب عليه الفوز بأي وسيلة الان مايهمني المستوى بقدر ماتهمني النتائج لو نفوز مثل مافزنا عل استون فيلا ماعندي مشااكل . بس نبي نعدي هالشهرين بدون تعثرات لأن فبراير شهر نص دسم .. يعني يمدينا ندخل يناير وحنا متصدرين ان شاء الله تعالى ثمن عااد اضمن لك الدوري مانشستراوي ولا شك في ذلك .. آهم شي الفوز في المباريات المقبلة بآي وسيلة لو نفوز بهدف تسلل لو يسجل ويب الهدف ماعندك مشاكل اهم شي النقاط الثلاث .! البيق فوور وخلصنا عليهم بدري اللحين الستي يمر بفترة صعبة شوي لازم نستغلها آحسن استغلال ونغرد بعيداً ان شاء الله تعالى | .. ** بالنسبة لموضع الخال بوجبا | مادري وش يحس فيه ابن اللذينا .!؟ لاهو الي تكلم مثل غيره ولاهو الي وقع مثل غيره ساكت والامور في حيرة .!؟ يالووح فيه آحد اللحين يحصل انه يلعب مع مانشستر يونايتد .!؟ بوجبا مدري اذا كان ضعيف الشخصية ووكيل اعماله يحرضه على النادي لزيادة الراتب او هو يبي يزيد الراتب ولايطلع .!؟ وحدة من الثنتين ياهو منه البلا يامن الوكيل وانا ارجح الثانية لآني سمعت وقريت ان وكيله هو نفسة وكيل ابراهيموفتش رايولا الظاهر .! المهم بوجبا جدد ولاتحلم ان السير بيترجاك وانت بزر .! صحيح انك فنان ولك مستقبل باهر لكن اذا انت بهذا العمر وشغلك الشاغل تزود في الراااتب عز الله بتضيع ويضيع مستقبلك وبيسحب عليك وكيلك الدب .! ** السير لايريد الدخول في يناير .! بصرااحة انا مقتنع بكلامك ياسير .. السوق افضل وقت له في الصيف .!! في يناير ماتضمن الاعب يبدع ولا لا .؟ ولنا في توريس مثال .!! الاعبين المصابين محد مطول منهم الا ثنين والباقي رجتهم قريبة .!! عموما كل التوفيق لليونايتد .. ** بالنسبة لمباراة بكرة .. بجيها في النقاش ولكن باخذها بشكل سريع شوي .. كوينز باارك مدري ليه بعضكم ماخذينه بالخصم السهل ..! وبنفوز عليه بسهولة ومدري ايش .! بالعكس كوينز بارك من اصعب الفرق وخصوصا على ارضه .! فريق عنيد فريق يملك لاعبين في الوسط والدفاع رائعين وبارتون وانتون مثال .. بإختصار الفوز عليهم 1-0 يكفي |.. \\ برب = لنا عودة ..
