بسم الله الرحمن الرحيم
خلاص
خلاص
خلاص
طفح الكيل اقسم بالله اليوم اول مره اكتب ونا كلي غضب وذهول ابي اعرف
الى متى ياسمو الامير عبدالرحمن بن مساعد وهذا المدرب قاعد يلعب
بتاريخ الهلال والله ماشفت الهلال باهالمستوى الهزيل كني قاعد اشوف
اشباح تلعب في الملعب لا تكتيك واضح ولا هجمه منظمه زي الناس
قاعدين نلعب على الهجمه المرتده لا ولياقه معدومه وبطئ غريب
مدري هو يدربهم ولا قاعد يأكلهم مفاطيح معليش قاعد أتريق
بس والله من حر مافيني والله قاعد أكتب ونا انتفض من الغضب والحسره
يعني لاعب يسجل هدفين تغيره يادول وين عقلك كيف قريت المباراة
ودي أحد يوجهله السؤال تكفون وهل هو مدرب فعلا انا مدري بس
شفت الفريق بدون مدرب الي ابي اقوله ياسمو الأمير الله يخليك لنا
مانبي المدرب قبل تصير كارثه في الفريق الله يخليك نبي مدرب على
مستوى عالي يطلع الفريق من النكسه والوضع المزري الي نشوفه
على فكره أنا اعتبر الاتفاق فايز هدف لم يحتسب بسبب التسلل وهو هدف
صحيح من وجهت نظري خلونا حقانيين والله حتى التعادل زي الهزيمه
هذا مو طموحنا والله حسسوني اللعيبه انهم يلعبون قدام برشلونه مع
احترامي للأتفاق بس هو فريق يحترم وكان يستحق الفوز بكل جداره
خلاص طفح الكيل صبرنا كثير ما صار شي واضح أن السيد دول
مفلس ماعنده شي يقدمه اكثر من ماقدم وايمانا بعد ياخذه معه خلاص
كفايه مجاملات احترقت اعصابنا وكفايه تطبيل الوضع في الفريق مايطمن
كل مباراة اسوأ من الي قبلها
فلختام أعذروني على الاخطاء الاملائيه بس والله اكتب ونا ارتجف من القهر
وراسي يعورني بسبب دول بروح أكل بندول
والله مأمزح راسي يعورني
ودمتم زعماء
