السلام عليكم
صباح الخير للجميع
قصيده ترحيبيه بالكابتن سعد الحارثي
قرأتها في أحد المنتديات وأعجبتني ونقلتها أتحف بها الجمع الهلالي الغفير
هل وهلا تحيه عنبر وكادي = على زعيمٍ حر في جو نوماس
سعد هلا بك في زعيم النوادي = في موطن ابطولات والدرع والكاس
في معقل التاريخ فخر الأيادي = من يشتغل لأجله جنى منه الألماس
من يخلص بحبه ترى شي عادي = يجني ثمار الحب في كل هالناس
وأنا ترا ياناس حسب اعتقادي = ان الإصابه أثرت فيه لا باس
لكن تراه ألحين بالجد بادي = ويعيد لنا الذكرى في وقت حساس
ويعيد أمجادٍ بضرب الزنادي = يلدغهم برجله أو لدغ بالراس
يصنع لنا الفارق به الكل حادي = سعد سعد بالملعبه حر نبراس
لاعب فرض نفسه ولاهو بعادي = في وضع ناد الفقر ماهو بمقياس
باكر تشوف الفوز بيديه غادي = ولّى زمان الخوف مع حبس الأنفاس
سعد رحل في نظرتك شي عادي = وأنا أشوف البرق بلمع والألماس
سعد ولدنا يالرئيس المعادي = ان كان بالسالب نعته فلا باس
يلقى بمنه يحضنه بالودادي = ويلقى فريقٍ ينعشه لحظة الياس
وسلامتكم
من كلمات الشاعر عبدالله اليحيى
أتمنى أن تنال إعجابكم
وأنتظر ردودكم
تحيتي وتقديري
أتمنى من الإداره تفعيل المشاركه وإنزالها
