10/12/2011, 03:42 PM
|
 | محرر رابطة يوفنتوس | | تاريخ التسجيل: 07/12/2010 المكان: Riyadh
مشاركات: 743
| |
حتى انا عندي اختبار و تسميع قرآن 8 وجيه ولا بيرسبني المصري
والله يا اخر شهر من كل ترم يصير **  ما تدري وش تبد عليه
بالنسبة للنقاش
1)) من يعوض فوزي ! كواليا ولا جاكي ولا استا ولا الكنغ ؟؟
كواليا
2)) ليه تبيه يعوض فوزي ؟؟ وش عنده زودن على خوياه ؟؟ " اللي منلحس ترا هالسؤال مرتبط باللي فوقه "
يملك نفس خصائص فوزي من ناحية الحلول الفردية و يتفوق عليه بالنشاط
يتفوق على البقية انه افضلهم هجومياً وعموما حنا بحاجة ارجاع كواليا لأجواء المباريات
جياكيريني حليو لكن اشوف المباراة اكبر منه لو وظف في مركز فوزي
وستيغ يميل للاطراف اكثر
والكنغ نخليه للشوط الثاني 
3)) خاييف ان روما يرجع على حسابك ولا ماطقيت خبر ؟؟
والله الشباب مستهينين في روما بالحيل
صحيح وحنا في اسوء ظروفنا كنا نرنهم في ملعبنا الثاني
بس ظروف مباراة بكرة تختلف
كل المعطيات تغري روما للرجعة على حسابنا من غيابات و مشاكل اداريه و فنيه عندهم
كوننا المتصدرين تعطيلنا راح يكون مكسب لهم فكيف لو هزمونا لا قدر الله وحنا الفريق الوحيد حتى الآن من غير هزيمة
ادري ان غيابات روما كلها بالدفاع لكن طل على الهجوم و شف عناصره و ارقامه
اوزفالدو من افضل مهاجمين الارتكاز بالكالتشيو هالموسم ومن خلفه بيانتش و لاميلا ويمكن توتي
غير يقولون فيفياني راح يكون بديل لدي روسي بالوسط وهاللاعب موهوب جداً حسب ما تابعت خصوصا بالكرات الثابته
يعني لا تستبعد يجي عليك ضغط جماعي يطلع ثغيره بسيطة بدفاعك وفجأه بيانتش يعطي ثرو لأوزفالدو المنفرد قدام بوفون وهووباا قول
روما بالرغم من نتايجه السيئه الا ان مبدأ لعبه يطابق تماما مبدأ لعب اليوفي
من ناحية الاستحواذ على الكورة و كثرة التمريرات و دقتها و كمية التسديدات في كل مباراة و الهجوم و الدفاع الجماعي
هالشي معناته راح يجي طحن بالوسط ما بين الفريقين وغالبا اللي راح يكسب الكورة الثانية هو اللي بيمشي المباراة على كيفه
اشوف المباراة راح تكون صعبة علينا و ان شاء الله يخيب توقعي
4)) تتوقع ان اللاعبين يتهاونون ولا تهقا كونتي بيضبطهم ؟؟
الشوط الاول اتوقع تهاونهم و بقوة لدرجة ممكن نلقم هدف على الاقل
لكن الشوط الثاني لا
هالموسم اداء اليوفي بالشوط الثاني دائما ما يتحسن عكس المواسم السابقة
5)) السؤال الأجمل .، توقعك لنتيجة المباراة ؟؟
موقع هوسكورد يتوقع لأول مره من بداية الموسم هزيمة اليوفنتوس 2-1
وانا اقول قدام روما بسكواده الحالي الا ما نلقم هدف على الاقل
بالتالي اتوقع النتيجة 3-1 لنا باذن الله |
