ما اتوقع تغيير بترتيب الدوري
فوز لليوفي وللميلان ولاوديني وللاتسيو .. واتوقع فوز للفيولا

بالنسبه لليوفي .. هو أفضل حاليا بكل النواحي لو قارناه بروما
حارس + دفاع + وسط + هجوم + مدرب + ترتيب
حتى الفريق مستقر فنيا ونفسيا وكل شي .. غياب فوزي مؤثر بس اتوقع لو قدر الفريق يطبق تكتيكه ما راح يأثر كثير .. وبرضه حتى كوالياريلا طلع مصاب بمباراة الكأس ويقولون احتمال يلعب وماهو أكيد .. بس برضه فيه الكبيتانو وفيه استيغ وفيه ايليا وكراش .. يعني فيه البديل حتى لو كان ماهو بنفس المستوى والانسجام مع المجموعه
روما مساكين فريق مدربه غريب .. رشحتهم للمركز الثاني ببداية الدوري وتوقعتهم بيكونون افضل من اليوفي بنهاية الدوري ويكون الثاني بعد ميلان .. لأنه فريق جاب لاعبين ابطال .. يكفيك اذا شفت الوسط دي روسي وقاقو وبيانيتش والقلوب تحسنو وجابو كاير جنب بورديسو وهجوم قوي اوزفالدو ولاميلا وبويان .. ومع اول المباريات كانو يستحوذون بشكل كبير علي الكوره وياصلون بس ما يسجلون .. كان بس باقيلهم انسجام واستقرار ..
لكن مدربهم قليل خبره وكل مباراة يدخل بتشكيله غير وغير بكم لاعب حتى صارو كل مباراة اسوأ من الي قبل وبدو يدحدرون واصيب بورديسو وكاير وبدت الخنبقه تادي ظهير وبيروتا ظهير وانخيل احتياط
يعني روما حاليا منهار بكل شي ويبي يقابل فريق كل اسبوع يكسب ثقه اكبر وكامل العدد تقريبا

هذا ما يعني انه الفوز مضمون لليوفي .. لكن 90٪ اليوفي يبي يفوز ...
ولو سجل اليوفي باول نص ساعه اتوقع النتيجه بتتعدى الأربعه

إقتباس الرسالة الأصلية كتبت بواسطة T.silva33 مباراة سهلة تماماً للميلان والثلاث النقاط لازم تكون في المتناول خصوصاً وإن بولونيا لم ينتصر في ملعبه على الميلان[/SIZE][/FONT] منذ عام 2002 يعني الملعب هذا إختصاص ميلاني باخذ الثلاث النقاط وترك المضيف يجر أذيال الهزيمة غالباً وايضا في آخر 6 مباريات على ارضية هذا الميدان بين الميلان وبولونيا شهدت 5 إنتصارات للميلان وتعادل وحيد وإذا جينا نسولف في الوقت الحالي فالميلان الوصيف وبولونيا بنتائج سيئة واداء سيء يحتل المركز 17 واذا جينا للورق فلاعبين الميلان أميز وأكثر عطاءً للكرة من لاعبين بولونيا وبالاساس حرام نقارن بين لاعبين الميلان ولاعبين بولونيا كل الامور تشير إلى إنتصار سهل على ملعب سهل بالنسبة للميلان وعلى الماكس لقط الثلاث النقاط بأقل جهد ممكن .. [ بولونيا - سيينا - كالياري ] اثنين برى السان سيرو وبنلعب ضد سيينا بالسان سيرو المطلب 9 نقاط من 9 لان الفرق هذه أشوف إن الميلان افضل منه ولازم ياخذ الثلاث النقاط بكل إريحية وبالنسبة للفوز هنا فله ثمار كثيرة أولها الصدارة حتى لو كانت مؤقتة وثاني شيء وضع الضغوط على اليوفي في مباراته وخصوصاً إننا بنلعب قبلهم بيوم , أفضل شيء إننا قابلنا فريق متواضع لما سائت أمورنا وخاصة في الوسط مع إصابة نوتشيرينو وتذبذب مستوى امبروسيني وفان بوميل , بالتوفيق للروسونيري لحسم الثلاث النقاط مبكراً لازالة الضغوط على اللاعبين وبعد عشان يقللون رتم المباراة في شوطها الثاني حتى لايستنزف اللاعبين طاقاتهم سدى ! اتوقعها 3 - 0 بإذن الله والاهم هو بقاء شباكنا نظيفة للمرة الخامسة على التوالي يقولون النقص يولد قوة , أتوقع وبشكل كبير تطبق هذه المقولة في هذه المباراة وينتصر روما رغم الاجواء الصعبة التي يعيشها الفريق والغيابات التي تسيطر على الجيلاروسي وطبعاً بإنتصار روما اتوقع راح ترجع الثقة لانريكي من رئيس النادي وفي المباريات المقبلة لروما راح يرجع الفريق كما كان وتعود الحالة المآساوية لجمهوره > مجرد سيناريو متوقع توتي إن شاء الله يعطيك ألف عافية على التقديم [/CENTER]

http://vb.alhilal.com/post19231494-53.html




ميلان بولونيا

الميلان محظوظ لأنه يبي يقابل بولونيا يوم غاب نوتشيرينو <--- على وزنية يوم غاب بيرلو لعبو مع تشيزينا