بسم الله الرّحمن الرّحيم

أحب اقدّم لكم هالابيات البسيطه لنادي الهلال

أبدا بسم ربّي على كل بادي
اللي خلق خلقه وفرّق بالاجناس
حي الله اللي بالشّعر سال وادي
واروى ضما عطشا القصايد من الناس
ابن جعيثن قال باحلى النوادي
اللي خذوا بالعزم كاسٍ ورى كاس
من غير الازرق له هتفنا ننادي
نكتب (زعيم) نحدّده بين الاقواس
ان جا سعد فالوضع معتاد وعادي
كلٍّ يبي بالعز يرفع له الرّاس
اقولها والحرّ عشقه هدادي
والكون واسع ما تضايقه الانفاس
هذا هلال المجد شربي وزادي
هو مشغلٍ فكري على كل هوجاس
خطيت حرفي واصدح بصوت شادي
وانظم قصيدي والقوافي لها قياس
شاعر بسيط وطبعي انسان هادي
واوزن كلامي وانطق بقول حسّاس
واللي عجبه الرّد يلقى ودادي
واقول للي مااعجبه صدق لا باس
مع الهلال نسير حَضْرْ وبُوَادي
ونشجّعه في كل محفل على اساس
هو الزّعيم وشيخ كل النّوادي
وانا هلالي وافتخر وارفع الرّاس
وسلامتكم

أخوكم
الشّاعر المنشد
بندر بن إبراهيم الخنيفر
(هبوب)

القصيده بصراحه كنت كاتبها مجاراة للشّاعر القدير راشد بن جعيثن ( أبو محمّد ) في الموضوع اللي نقله وكتبه لنا العضو الزّعيمي المتألق ( سم الهلال ) على هالرّابط
http://vb.alhilal.com/t1062070.html

وهي رغبةٍ مني عشان يشوفونها كل جماهير الهلال محبه وتقدير لهم وللكيان الهلالي



أتمنى تكون الابيات اعجبتكم واعذرونا لو حصل تقصير