| الله يستر من اللون البنفسجي !!
مبارة رغم الدوافع الكبيرة الي راح تكون بجانب الريال
الا انها راح تكون المبارة الاصعب بالموسم ب اختصار نهائي
البرشا بيدخل على انها اخر مبارة له بالدوري ويبي النقاط وبرضو يبي يفك نفسه من طابور جديد
والريال بيدخل المبارة ويبي ينهي الدوري ويركز على العاشرة وبرضو لكسر نحس البرنابيو ضدهم
مبارة صعبة جدا بصراحة على الريال خاصة ودافع البرشا ل الاطاحة بمعنويات الريال = دوافع الريال كلها
عموما ملعب البرنابيو وفارق ال 6 ومستوى الريال الخرافي كلها دوافع من صالحنا ولازم نستغلها
الريال قوي جدا والبرشا متمرس ولايوجد اي مرشح ل الثلاث نقاط !!
فكرة وجود كونتراو على راس المثلث جميلة جدا واغلب عشاق الريال متفقين على هالنقطة
والفكرة بصراحة كانت مغرية بالنسبة لي اكثر من تواجد كاكا او اوزيل براس المثلث بخط الوسط
لكن لحظة !! وش يعني نلعب بثلاث محاور ..
يعني ان الريال بيدخل متحفظ على ملعبه للمرة الاولى هالموسم
يعني ان الريال راح يسلم المبارة للبرشا وتجي زي ما تجي !!
طيب الا متى نكون متحفضين قدامهم والا متى ننصك ونتعادل معهم على ملعبنا .. !!
الا هنا وستوب !! لاننا ب اختصار الريال لاننا ب اختصار الافضل بالعالم والنتائج تشهد !!
ومن هالمنطلق راح اتمنى البرنابيو يكون حريقة
وما ابي غير الهجوم ثم الهجوم ثم الهجوم !!
البرشا يبي ريال جرئ البرشا يبي ريال ما يخاف ولا يتحفظ
البرشا يبي ريال يكتمه 90 دقيقة مثل السوبر واياب الابطال !!
نقدر نفوز نقدر ناكلهم نقدر نحسم الدوري بدري بدري ونقدر على طابور صباحي ثاني
بس تكون ليلة مدريدية خالصة بكل ما تعنيه الكلمة من معنى ..!؟
والله البرشا يهاب الريال لكن العيب فينا احنا !!
كاسياس
مارسيلو - راموس - بيبي - اربيلوا
الونسو - خضيرة
كريس - اوزيل / كاكا - ماريا
بن زيما
نفوز يا ملكي نفوز !!
بكل تاكيد راح نفوز باذن الله
وما عندي مشكلة اخسر لكن بشرط ب اداء يرفع الراااااااااس !!
بالنسبة لي هذا هو اختبار ال 32 وال 10 سويا .. !!
تحياتي لكم جميعا
. | 