اللي يصير مطرسه بشكل مفخّم .. مستحيل إذا تبي تنجح وتكسب فـ مثل هالمباريات بـ مهاجمين موب قادرين يخلصون لك عدد من الهجمات .. طريقة ليفربول كانت سليمه من بداية المباراة وقدرته على التنويع فـ طريقة الهجمه .. العمق والأطراف ومافيه شكل معين فـ الرسم التكتيكي فـ الخطة .. هي متكرره مثل كل مباراة وإجتهادات فرديّه من اللاعبين فـ الغالب .. كل اللي فرق عن بداية الموسم تواجد - بيلامي - سرعته وخطورته على الاطراف ومعدله اللياقي العالي وأدواره الدفاعيه معطيه إضافة كبيره على تشكيلة الملك ، مسألة إن العمق ينضرب بهالطريقة والـ 18 سهل الفريق الخصم يوصل ويهدد فـ كم مناسبة .. أشياء واضحه ديمبسي يركض 23 متر فـ ملعبك وإنتشار محاورك سيّء .. والتمركز الدفاعي مثله برضو سيء .. المباراة على مستوى المشاهد مُمتعه وهجمه هنا وهناك .. لكن أنت كـ " ليفربول " من المفترض هالخطوره ماتكون متكرره وبهالشكل على مرماك كنت متوقّع ناكل هدف من بدري على هالخطوره اللي تقابل خطورتك .. يعني فولهام ماكان سهل أبد ولا كان متخوّف ومستغل كل نقطة ضعف فـ تشكيلة ليفربول بتمركزيّه وحضور ذهني عالي ! ، بالنسبه لي كنت متوقعه بتكون أسهل من المتوقّع .. لكن اللي شفته فريق مُختلف جدّاً هجومي و منتظم فـ الإنتشار .. بيبي رينا صحيح جاب العيد بالهدف .. بس فيه كم مناسبة قدر يخلصها من مرماه .. عموماً العقم لـ يناير .. تجيب " مُهاجم " صريح .. عكس سواريز مثل ستايل كافاني .. وإمكانيّات فيا بهالمركز .. كل هالاسماء إرتبطت فـ ليفربول .. وهي المشكلة الوحيده اللي نعاني منها من بداية الموسم .. كآرول للحين مهُو قد المأمول واللي يقدر يعطيك وتكسب منه فـ المواجهات الجايه ..

إقتباس ليش ياسواريز القلب علشانه اورجوياني بالنسبه للطرد انا اشوف انها يستاهل لأنه داخل بتهور هاردلك لـ ليفربول ومعوضين خير ان شاء الله

معليش يا برينس ، التهور من عرفنا الكوره وهو " كرت أصفر " .. ولو تعيد النظر لـ اللقطة قرب الحكم من التدخّل و سبرينغ لعب على الكوره وطلعها قبل توصل لـ الخصم ! وبعد كذا لحق رجله .. أنا ما أنكر التدخل على رجل اللاعب لكن التهور واضح بـهالكوره ما توصل لـ بطاقة " حمراء " مُباشرة ..


هاردلك سكاوزيّه ، مبروك اللي فازوا وهاردلك للي خسروا ..