| ماعتقد فيه تهميش بس فيه أمور ثانية ياليت أبو فيصل ينتبه لها أتمنى أزالة مايمنع حضور بعض الجماهير للملاعب
فيه خطوة ايجابية من الادارة هالموسم الي هي المطاعم الجديدة والباعة المتجولين داخل المدرج اذا كانت المباراة في استضافة الهلال شفناها في مباراة الرائد
أتمنى تستمر الفكرة وتتطور من ناحية نوع المبيعات وياليت يزيدون عدد الباعة المتجولين عشان يكفون ويغطون الجمهور داخل المدرج
الشيء الأخر ياليت تكون فيه مراقبة للتفتيش من رجال الأمن عشان ماتحصل مضايقات ومشاكل لو يحطون 4 أو 5 أشخاص يكونون قريبين من الجمهور والألتراس ويشوفون الصعوبات في التفتيش ويحاولون ازالتها أتمنى ذلك
من ناحية التواصل ماشاءالله على أبو فيصل مو مقصر متواصل في تويتر ويجاوب على الأسئلة ويعطينا الجديد وأعتقد هذي تكفي
بالنسبة للأحتفال مع اللاعبين داخل الملعب مثل ماقال أبو فيصل فكرة مستحيلة وماعتقد لها فايدة وممكن تسبب مشاكل لذلك البعد عنها أسلم ويكفي يكون فيه احتفال داخل النادي بحضور الجمهور داخل المدرج واللاعبين يحيونهم ويرفعون لهم الكاس تكون حفلة مبسطة وجميلة
فكرة المشجع بالتصوير مع اللاعبين ممتازة ياليت تصير بشكل منظم وأيضا فكرة ألتقاء رئيس النادي أعتقد بتكون لها فايدة على الأقل أيصال صوت الجمهور للمسؤول الأول داخل النادي
شكرا للجمهور وشكرا لأبو فيصل على تواضعه وأشكرك أخي على وضعنا معكم داخل الحدث ماقصرت
 | 