أفضل مُباراة بـ الدوري الإنجليزي هالمُوسم .. اللعب بالامكانيات والتحفظ من الفريقين .. من زمان ماشفنا مُباراة متوازنه بين الفُرق ومافيه خطوره كبيره .. صحيح فيه فُرص اكيد وخامات اللاعبين بالفُرق تجبر نشوف فرص حتّى مع التحفظ .. عموماً من وجهة نظري أفضل مُباراة شفتها هالسيزون .. بعبارة أقوى فُرق مدينة مانشستر فلتت .. بوضوح أكثر مانشيني الشوط الثاني سلّم المُباراة بكل أريحيّه بعد سحب نصري .. أستغل الليفر كل نقطة بـ منتصف الملعب وهذا المطلوب .. الشوط الاول ليفربول كان متحفظ هجومياً وماكان خطير غير كذا كان متمكّن على مستوى الدفاع ومقفّل صح .. أبرز خطوط الليفر فـ آخر المواجهات كان المحاور " لوكاس / تشارلي " .. طبعاً كان هالثنائي من ناحية المركزيّه سيء جدّاً .. والتداخل فـ أدوار بعض .. واللي نشوفه من نجاحات كبيره لهُم بعد ما تأقلم الفريق وأخذ على بعضه .. اللي صار شيء كبير فـ المُباراة .. مسألة إنّك تشوف أظهرة السيتي واقفه .. وتعزل نصري عن سيلفا شيء كبير .. هي النقطة اللي قللت من خطورة السيتي .. تطبيق بشكل مُحكم .. فرص السيتي كانت على المستوى الفردي من اقويرو .. غير كذا مهنا خطوره ..
الملك تحكّم بـ المُباراة بشكل كبير على المستوى الدفاعي .. وعارف وضعيّت الليفر وإنّه ماراح يجاري السيتي كسرعه .. بالنسبه لي من بداية المُباراة والنقطة كانت مُرضيه جدّاً .. من أخطاء كانت بجولات سابقه إلى تخبّط بالتشكيلة .. لكن أشياء تلفت انتباهك الحقيقه .. لوكاس / تشارلي قاموا بمهمّه كبيره ويتناصفون المان اوف ذا ماتش مع البيبي رينا 
.. شيء جميل تكتم وسط السيتي بطريقة ذكيّه .. نصري ، سيلفا ثنائيّتهم زبدة الموضوع فـ تواجدهم بالتشكيلة .. تبادل بالكوره بين هالثنائي منعزل .. الأدوار الهجوميّه لـ ميلنر قلّة .. صعود الأظهره والمسانده الهجوميّه قليله جدّاً بالنسبه لـ مستوى السيتي فالجولات اللي راحت .. يبقى مانشيني " كمخه " على مستوى التدريب مهما صار .. مسألة إنّك تسحب نصري وتنزّل مُهاجم .. وتقلل عدد الوسط وتعطي أرحيّه كبرى لـ تحرر أدوار آدمز لـ دعم الهجُوم .. تتضحلك وضاعة هالمُدرب رغم أمكانيّة لاعبينه .. عموماً فنش الفريق زي الزفت وتألّق جو هارت ماراح يكون بـ كل جولة .. هاردلك سكاوزيّه مُباراة تغبن ! 