نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || EPL 13 || قمة القمم بين ليفربول X السيتي في الأنفيلد ،ومواجهة ملتهبة بين اليونايتد x نيوكاسل + بقية اللقائات || تقديم + متابعه || ‏

ريدفيلزي · #13 27/11/2011, 11:54 PM

وجهات نظر تختلف من شخص لـ آخر حول نجومية المباراة ..
وان كان الأغلبيه يصوت لـ جو هآرت بالنجومية فـ المصوتين لـ لوكاس مَ يفرق عددهم بكثير حسب توقعي ..
نجومية المباراة أشوفها بين الإثنين ولو اني أطررررب جدا لـ اللاعب اللي يؤدي بـ مركز لوكآس
وهالشيء قليل نشاهده بهالفترة سوا بلاعبين معينين مع اندية معينه .. مركز صعب جدا على اي لاعب يلعب فيه , وصعب على المشآهد ملاحظة
امتياز اللاعب في هالمركز ..
من الشوط الأول وهو شاد انتباهي لوكاس واطربني كثير واستمر لـ نهاية المباراة وهو بـ مستوى عالي

من يتخيل بأنه قبل العام كآن يحوق وسط الليفر ...!
وألحين برود أعصاب وحضور ذهني وتركيز

للي حاب يتابع المباراة اعادة يدقق بـ لوكاس , متى يمرر تمرير طويل ومتى يتبادل الكورة بتمريرات قصيرة ودقة التمرير والافتكاك ..
محسودين يَ الليفر عليه , ولو يستمر على هالمستويات لـ فترة طويلة بيروح لـ اسبانيا ههههههههههه

’،

مبروك ستنزاوية .. هارد لكم ليفربولية ..
الليفر استحق الفوز بكل امانه , تخوفت من البداية بـ هنديرسون وفضلت سبيرينغ لأدواره الممتازه بالنواحي الدفاعية
مقارنة بـ وسط السيتي الهجومي "طبعا التخوّف لأن فوز الليفر من صالحي" ..

لكن تشكيلة الليفر كانت مناسبة , فيها اسماء هجومية بـ التزام دفاعي في فترات من المباراة وهالشيء ساعد داغليش على انه يهاجم
ويدافع بدون تبديلات مبكرة

بعد طرد بالوتيللي تمنيت دخول مزدوج لـ ماكسي & كآرول .. بدل كويت & هندرسون ..
الاخيرين قل عطاءهم وفي المقابل الخصم نقص منه لاعب فـ فرصه لك تعزز وتلعب للهجوم

السيتي اهلكتهم العرضيات .. داونينغ المتحسّن + انريكي بالطرف الأيسر وكويت & هندرسون بالمناوبة بالطرف الأيمن .. مَ وقفوا لعب العرضيآت
بعض العرضيات كانت تتخلص بشكل سليم من مهاجمين الليفر لكن قدامهم الخبل جو هآرت

ومن ناحية الهجوم .. السيتي باين عليه التخوّف من الافراط الهجومي خصوصا وان الليفر بالارتداد ممتازين
سيلفا رغم تحركاته السهله الا انه بـ مستوى متوسط مقارنة بالمستويات العاليه اللي كان يقدمها بالاسابيع الاخيرة

ممكن الارهاق لاعب دور .. وبرضو قلة عطاء نصري ممكن اثرت على سيلفا ..!
نقطة استغربتها من مآنشيني ..!!
يايا توريه مصآب من الشوط أواخر الشوط الأول ولا استبدله ..! حتى كان فيه هجمة لليفر يمر تشارلي على مَ اعتقد بجنب توريه
وواقف توريه من تأثير الاصابه .. وبالشوط الثاني مع أول هجمة توريه وقف مرتين بسبب الاصابه وكان يرفع رجله بسببها ..!

’،

هآرد لكم أرسنالية .. اللي نعرفه بأن المدافعين يتقدمون في حالة الكور الثابته اما فاول أو ركنية ..
فيرمآلين وش جآبه رأس حربة بهجمة الهدف .؟! مع انها هجمة منظمة يعني تنتظر منه الالتزام بالوسط المتأخر بما انه مدافع

مبروك توتنهامية .. الفريق مثل اللي يمشي على أطراف الاصابع بدون صوت ..
أجل لو يحقق الفوز على ايفرتون يكون الوصيف .؟!

بالتوفيق له بالاستمرار بأعلى مستوى لـ نهاية الموسم .. ( التعاقد مع بآركر & الأديب ) له تأثيرررر

’،

مبروكين تشلسآوية .. نشوف تنافس اششد بالجولات الجاية .. خصوصا وان عندكم ملحمه مع السيتي :$

موفقين جميع