نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || EPL 13 || قمة القمم بين ليفربول X السيتي في الأنفيلد ،ومواجهة ملتهبة بين اليونايتد x نيوكاسل + بقية اللقائات || تقديم + متابعه || ‏

الوافي001 · #47 27/11/2011, 07:54 AM

هاردلك جمهور مانشستر ..

ما أبغى أتكلم عن الحظ .. لأن أشوفه مسألة ما نقدر نتفق فيها وهي بالأصح توفيق وماهي حظ .. والتوفيق بيد الله ..

أبتكلم على المعطيات اللي قدامي .. مانشستر من مباراة بولتون الخمسة ما لعب ولا مباراة على سنع .. الا مباراة أمس ومباراة بنفيكا .. وبالأخير نطلع فيهم بتعادل وبغينة بعد ..

تدرون وين المشكلة .. المشكلة بعد هدفنا تحس الفريق ضمن الفوز .. كورة فابيو هذي وشلون تضيع .. برضو كورة أشلي يونق قبل التعادل ..

التحكيم أخذ وعطى يوم لك ويوم عليك .. لكن هذا ما يمنع اننا نقول ان اللاينز مين زرفونا اثنينهم واحد ببلنتي والثاني بتسلل وهو مهب تسلل ..

تشيتشاريتو من قبل الهدف لاعب وبعد الهدف ميسي !! أشلي يونق كان من جد يستهبل لحاله ضيع ثلاث أهداف !!!!! .. أما الكورة اللي عطاه ناني ليش تشوتها بيسارك يا غبي .. حطها بيمينك وانتهينا !!!!! كاريك المسكين أمس انكرف .. لحاله محور .. جيجز كان شاطح قدام ..

مستوى آخر 25 دقيقة ليش ما نشفه بكل المباريات .. ما أطلب أنك تندفع بالهجوم طول الـ 90 دقيقة .. لكن على الأقل تحسسني أنك تحاول ..

كل الفرق اللي انهزمت بنتايج قوية طلعت من حواقها وبدت تشتغل .. توتنهام بعد الخمسة فوز ورا فوز .. أرسنال نفس الشي .. فريقنا الله يخلف عليه .. نحتاج مباراة قوية ترجع للفريق هيبته .. زي مباراة توتنهام - ليفربول .. أرسنال - تشيلسي .. والمشكلة ما فيه مباريات قوية جاية .. ممكن لو مانشستر يفوز في مباراتين ورا بعض بنتايج كبيرة ترجع الهيبة ..

مبروك تشيلساوية .. هاردلك أرسنالية .. وبالتوفيق لليفربول اليوم ..

YNWA ..

.. عاد يا ويلكم ما تفوزون .. أو على الأقل تعادل ..

يالله أبحط لون الرد أحمر ..