نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ||● رابطة عشاق زعيم انجلترا 2011 - 2012 ●||● Glory Glory Man United ●||

Q.Abdullah · #4 25/11/2011, 08:06 AM

إقتباس

الرسالة الأصلية كتبت بواسطة ريدفيلزي


	استغرب من اللي يتمنى يطلع من دور المجموعات ويريح طالما هذا مستوى فريقنا ( فيس يتذكر رد عبدالله بالاستديو ) صحيح ممكن نواجه فريق قوي ومرشح للبطولة بدور الـ 16 مثل مدريد والبرشا والبايرن اللي حسموا صدارتهم .. لكن لعبة الذهاب والاياب دايم يفلح فيها السير خصوصا اننا من هنا لـ دور الـ 16 باقي لنا أكثر من شهرين يمدي الأوضاع تتعدل من اصابات ومستويات لبعض الزلايب ويمكن نشوف بربا برى النادي ورقم 9 يروح لـ تيتشاريتو ورقم 14 لـ لوكا .! .. مَ يندرى وش بيصير من هنا لـ هناك وبعد ما ننسى من هنا لين تقام قرعة دوري الـ 16 نطلب الله يجينا الفريق اللي متصدر مجموعة بورتو خخخخخ العن ام الفلة .. تحوق تحوق بدور المجموعات وتكون مهدد بالخروج وبعدها تفلم وتوصل النهائي من جديد .. بالله مَ جاكم أمل كبير .؟ :$ ع فكرة قبلي بكم رد .. منصور يقول بأن حالنا بوقت الثلاثية كان نفس حالنا بهالسنه بدور المجموعات .. عاد الحين ( فيس عبدالله يدور رده عشان يحرره ) ’، لا تصدقون كثير , بس تفائلوا واحمدوا ربكم مباراة نيوكاسل على ملعبنا .. خخخخخخ مالها داعي نروح ملعبهم ونفسياتنا زفت برب بـ اذن الله مَ يطوّل ..

هلا فهد

كويس ان هالرد اللي كتبته انا اعتمدته

ومااعتمدت اللي قبله لأن اللي قبله حذفته قلت يمكن لو اقرأه بعدين اندم عليه اني سفلت بمانشستر فقط

الحقيقه اني حاولت قد مااقدر اني ابتعد ومااكتب عن مانشستر اي شي خلال الايام السابقه والايام القادمه لأن مقهور ومغبون من مانشستر حتى الان

هذا الكلام الصدق واتمنى ماحد يزعل علي لأن بالنهاية رأيي يمثلني انا فقط ولاامانع ان احد يناقشني

لكن اللي حصل ياجماعه اني ماعاد صرت استحمل 11 مباراه وانا اشوف الفريق يعك وكل مره اقول المباراه الجايه بيتحسن الوضع ولاحظ اني ماكنت اطالب بمستوى خورافي او انه يرجع مانشستر نفس مانشستر اللي بدأ الدوري

كنت ابي اشوف مستوى متصاعد من جوله الى جوله ولكن اتفاجأ بكل مباراه من الـ 11 مباراه ان المستوى والعقم والحواق نفسه ومايتغير

بالعربي انا مثل القنبله اللي كانت الابره بها وماباقي الا سحبه بسيطه وتنفجر القنبله وجت نسمة هوا وحركتها

وتبي اكثر مبارتين احسست فيها ان فريقنا غريب ويفشل بنفس الوقت ونحمد ربنا ان الفريقين اللي لعبنا ضدهم ماعندك احد بالهجوم ( سندرلاند - سوانزي ) شي مخجل اللي قدمه مانشستر فرصتين مدري فرصة ممكن اطول ملخص للمباراه لـ هجمات مانشستر دقيقه ونصف

وبخصوص اني اتمنى ان مانشستر يطلع فـ انا قلت الصدق وماعندي استعداد اطبل للفريق واقول انه قادر على المنافسه بعد المباريات اللي شفناها لأن حالياً لو تأهلنا بنقابل انديه ماترحم وسجل عندك ( برشلونه - مدريد - بايرن - انتر ) الثلاثي الاول بصراحه لو تواجهنا معهم فـ مثل ماقلت لك بتنتهي تاريخيه وبتتمنى لو اننا طلعنا من المجموعات لكن الاخير ممكن تتجاوزه لأن يقدم مستوى باهت مقارب لـ مستوى فريقنا فـ علشان كذا الخروج بشرف ولا ننلقم تاريخيه ثانيه بموسم واحد

وخذ لك معلومه بما ان ذكرت رد منصور اللي كتب في الاحصائيات اللي تشوفونها انها تبشر بالخير

بعد 12 جوله بالدوري حتى الان مانشستر يحقق نقاط اكثر من الموسم السابق واللي قبله واللي قبله واللي قبله اما اللي قبلهم

فـ كان عدد نقاطنا 31

طبعاً الفريق بسيط نقطه اونقطتين مع المواسم السابقه

ولكن كمستوى واداء المواسم السابقه افضل حتى مع موسم التعادلات العام الماضي الا ان الفريق افضل بكثييير من الان لأني كنت اشوف كوره وكنت اشوف فرص وتهديد والخ لكن حالياً ودي اكتب بالفريق مرثيه بخصوص المستوى اللي قدمه

اما فيما يخص التعزيزات في يناير فـ مثل ماقال طلال

كلمة ( أبي ) عند السير مالها غير معنى واحد ( الوالد )

لذلك مابي ابني أمالي واعيش الامل طوال شهر يناير

و أسألو احمد هلالي موت من كثر مااهوجس وش التشكيله اللي اخترعتها

عوافي واعذروني على السوالف اللي فوق لكن اعتبروها فضفضه واللي زعله ردي
يأشر على الجزئيه اللي يحس انها مب مناسبه وانا احذفها ولايهمكم

برب بروح للمسجد نسمع لنا محاضره من محاضرات الشيخ الحلوه