لايفيد الندم على اللبن المسكوب ..
الحمد لله الذي لايحمد على مكروه سواه ...
الآن وبعد المهزله التي رأينها مساء أمس ..
لابد من التالي :
1-الاستغناء فوراً عن الحارس الدولي ( والله حرام ) حسن العتيبي، اللي شفنا منه جميع انواع القهر ..
أول مره احس ان كل الكرات اللي تجي على بابنا هي هدف 100% ، ماعاد نحس بالآمان في وجوده، حتى الدفاع اهتزت ثقته بنفسه..
ياخوان العتيبي حارس ممتاز ( كان زمان ) له اخطاء مثل كل البشر، لكنه مايعالجها ولا يستفيد من أخطاءه.
واش نبي بلاعب مثله..هذا عله على الزعيم ( الله يعله ) آمين .

2- الاستغناء عن الموسيقار حسين المسعري،( وهذا يبي له قعده لوحده )
ويكفي عشان تحكم على مستواه انك ترجع للمباره السابقه ( قدام الاتحاد ) وتشوف طريقة لعبه، والفرص السهله جداً اللي مضيعها..
ماله مركز محدد احس انه تكملة عدد في الملعب، وعدمه احسن من وجوده، والحقيقه اني استغرب وجوده لحد الآن في التشكيله الأساسيه للزعيم، أكيد عنده واسطه قويه جداً جداً جداً ..

3- واما محمد النزهان ..
هذا اللاعب المبدع ( في حرق الأعصاب ) صاحب المهارات العاليه ( في رفع الضغط ) والمتخصص الوحيد في جلب ( مرض السكري ) فالحقيقه يعجز اللسان عن وصفه ، واحس اني لو تكلمت عنه اني بأمدحه ( من القهر )..

نصيحه اوجهها للعبين السابقين ( العتيبي - المسعري - النزهان ) ..



اذلفوا عن وجيهنا .. كفايه خلاص ..انقلعوا

نداء لصاحب السمو الأمير سعود ..
تكفى ياطويل العمر
ابعد عنا هاللأشباح ..
هاتوا لاعبيين عليهم القيمه..
ومستعدين ندعمكم بكل ما تحتاجونه ومانقدر عليه..
افتحوا حساب في أحد البنوك..
وابشروا باللي يدعم ..
بس ريحونا ..
تكفى ياطويل العمر تكفى ...