أتفق معك تماما في النقاط السلبية الي ذكرتها في الفريق
المستوى للأسف رغم الوصول للجولة الثامنة الا أنه لايزال سيء للغاية
توماس دول لازم يشوف حل لأنه قتل الفريق وماوظف نجوم الفريق صح في الملعب لذلك نشوفهم بمستوى سيء 
شفنا اصرارهـ على حشر أربع صناع لعب في وسط الملعب وشفناهم كلهم ضايعين وماحد يدري وش يسوي في الملعب
الفريدي وايمانا أعتقد مايصلحون مع بعض لازم واحد منهم يقعد احتياط وكذلك الدوسري والشلهوب .. شفناهم كلهم بنفس المركز ومافيه أي تفاهم أو انسجام
أتمنى ابتداء من مباراة النصر يلعب محورين القرني وهرماش واثنين صناع اللعب ومايهم كثير من يكون أساسي منهم أهم شي تعطى الفرصة للجميع 
يعني مثلا يكون الفريدي والدوسري وقدامهم مهاجمين الكوري والعربي أو المحياني .. أو يكون أيمانا والشلهوب .. أهم شي لايحشر أربعه صناع لعب في الوسط عشان مايتكرر العك الكروي واللخبطه الحاصلة في النص
ان شاء الله الوضع والمستوى راح يتحسن في القريب العاجل 
بالنسبة للجار بالتأكيد في السنوات الأخيرة أصبحت بطولتهم الموسمية الفوز على الهلال وكل مالعبوا معنا يحاولون لاعبينهم يظهرون كل امكانياتهم عشان يرضون جمهورهم
وجمهورهم مايخالفون فوز على الهلال يعتبرونه حصيلة ممتازة في الموسم وأنجاز يرضي طموحهم المحدود 
بس ان شاء الله هالموسم ماراح ياخذون ولا نقطة من الهلال بنفوز ان شاء الله رايح جاي 
صادق أخوي ماقصروا جمهورنا وحبايبنا أهل المدينة والغربية الملعب اليوم فل الفل مافيه مكان فاضي وأعتقد أكبر حضور في تاريخ الملعب ماشاءالله عليهم وشكرا لهم  
مباراة الخميس يازعماء بتكون ان شاء الله في الملز ويوم خميس يعني ان شاء الله مافيه سبب يمنع من الحضور تكفون نبيها فل وتفاعلوا وتعاونوا مع الألتراس وان شاء الله تطلعون فرحانين بالمستوى والنتيجة
أخوي باتشينو ماقصرت يالغالي ماشاءالله عليك أبدعت ولخصت عدة مواضيع في موضوع واحد لك كل شكر وتقدير 
اخر تعديل كان بواسطة » هلالي موت_5 في يوم » 19/11/2011 عند الساعة » 11:49 PM | 