نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

هند الشمري · #8 09/11/2011, 06:20 PM

إقتباس

الرسالة الأصلية كتبت بواسطة محمد عودة العنزي


	ياسر ..؟؟؟ وتقارنه بسامي ونواف ويوسف والتيماوي ..!! ياعزيزي والله ما يوصل ربعهم .. عساك سالم بس ..ياسر تاريخه بالهلال عادي جدا ولا يوصل انك تحطه مع اساطير الهلال .. لاعب كبير اتفق معك ..لكن خلاص ياسر 2007 ماراح نشووفه لاعب جعلته جريدة الجزيرة ..قريب من ميسي ومن رونالدو .. مدري ليه انتم اي لاعب جاب بطولة ولا بطولتين صار اسطوورة حنا عندنا 20 اسطورة بالعام الواحد عندنا جمهور ماعندهم مشكلة يقارنون ياسر ب ماجد .. يقارنون محمد نور ب يوسف الثنيان لاعبين نجووووم لكن ما تقد تقارنهم بماجد ويوسف :: عموما انت اعرفك مرة هاجمت ادارة الهلال بس عشان ياسر ..واتهمتهم اتهامات مضحكة واذا تبي الموضوع اللي تكللمت عليهم فيه راح اجيبه لك ممكن تقول لي وش سوا ياسر عشان تمجدوونه ..؟ 10 بطولات مع الهلال ..جميعها حققها رادوي في 3 سنوات ياسر حقق اسيا ..؟ زي سامي مثلا :: اخيرا ارجووك لا تحط اشباه اللاعبين بجانب الاساطير ..ياسر او غيره

ياسر أشباه لاعبين ؟
ياسر لاعب كبير وكثير من صنفوه كأفضل مهاجم مر ع الكره السعوديه كقيمه فنيه وعلى سبيل المثال الأستاذ "الأهلاوي" عادل عصام الدين والدليل هو المهاجم السعودي الوحيد الفائز بلقب افضل لاعب آسيوي
واصغر قائد للمنتخب ساهم بوصوله للنهائي الآسيوي وهو لم يتجاوز الـ 25 عام .. لاعب صنفه الفيفا بأنه من أبرز المهاجمين بالعقد الماضي تجي وتقول عنه اشباه لاعبين ؟
إنجازات غيره على العين والراس لكن لما تجي للقيمه الفنيه ياسر لاعب من طراز نادر
جمع بين تهديف ماجد ومهارة الثنيان ،
فعلى سبيل المثال متكن بالكرات الهوائيه - مهاري - سريع - قدمه قويه - يسجل بكلتا القدمين - متخصص ركلات جزائيه - يسجل من الكرات الثابته - يمتلك بنيه جسمانيه متناسبه مع إمكاناته

طبعاً كلامي عن ياسر بأفضل مستوياته وبوقت عزه من بدايته مع القادسيه لعام 2010
اما تجيه وهو هابط مستواه وتقارنه بلاعبين صالوا وجالوا بالملاعب قرابة الـ 20 عام فهذي مقارنه ظالمه

هل من المعقول ان اقارن بين القيم الفنيه لسامي وياسر في عام 2005 ؟
اترك الإجابه لـــك !!

وبخصوص ان رادوي حقق جميع بطولات الهلال بآخر 3 سنوات !
واضح تأثرك بالكابتن ماجد

الفريق كتله واحده والكل يساهم بالفوز حراسه دفاع وسط هجوم
وعلى الصعيد الشخصي ياسر حسم للهلال مباريات كثيره بالـ3 مواسم وساهم بالفوز إيضاً وكان دوره إيجابي وفارق بالفريق ، ولو إن مستواه هبط بآخر موسم ..
يعني ياسر كان لاعب إيجابي وساهم بشكل واضح بفوز الهلال ببطولاته بآخر 3 مواسم والحال نفسه مع رادوي والبقيّه ..
اما أنك تنسب البطولات لرادوي فحدث العاقل بما يعقل !

وأخيراً هد السرعه لايوقفون يوزر صديقك