|
زيآرتي للميآدزا , مبآراة الإنتر وليل .
بسم الله الرحمن الرحيم  , السلام عليكم ورحمة الله وبركآته , كل عآم وأنتم بـ خير , والله يتقبّل من الجميع صآلح الأعمآل , -- قبل المبآراة بـ 3 سآعات , نزلنآ للإستقبآل , وقلنآ له نبي نروح للملعب الحين  ~> نظآم ملعب الملك فهد , قآل بدري ! تو النآس , حنّآ مآ نروح إلا قبل المبآراة بـ سآعه  وقآل بعدين هالفريق اللي تبي تروح له مآ يستآهل , قلت لا حدّك هنآ عآد إلا الإنتر , وجآ خويّه الثآني اللي بالإستقبآل " إنترآوي " وعزز لي , قآل لا يهمّك لا تسمع له , قلت كفو وسآلته وش تشجّع يوم إنّك تقول عن الإنتر كذآ ؟ قآل أشجّع الأفضل , قلت له أجل إنترآوي وضحكنآ ومشينآ  , طلع الرجآل يشجّع الجآنب المُظلم من ميلآنو ~> القلب لـ ميلآنو موب للجآر وأنآ تعهّدت إني أبصور كل شي إلا الكنآيس ومتجر النآدي الجآر ~> أخآف يزعلون علي جمهورهم , على عيني ورآسي يآ عيآل , لكن قدري إني أكره فريقكم ,  الزبدّه رحنآ للميترو , ومن محطتّنآ لـ المحطّه اللي عند الملعب , صحيح إنّه حصل تضييع شوي , لكن الإيطآليين فزعآت مآ قصروا , صح إن نفسيآتهم شينه , ومآ يبتسمون , لكنّهم فزعآت , وصلنآ على بركة الله لـ محطّه الميترو اللي عند الملعب , ورحنآ ندرعم مع الشعب , صح إنّهم قليلين اللي فيه , لكن نمشي مع اللي يمشون , وشفت مجموعه فرنسيين معهم أعلآم ليل , وسألتهم عن الملعب ومكآنه , قآلوا حنّآ زيكم مضيعين , وسألن السؤآل المُحرج , من تشجع ؟! قلت والله يآ بعدي أنآ مشجّع لـ ليل ~> من خآف سلم ,
إستآنس الفرنسي , وقعد يتكلّم معي فرنسي , قلت مآ أفهم , منب فرنسي أنآ , وسأل بالإنجلش , ليش تجشّع ليل ؟ قلت والله هالسؤآل البآيخ بعد , حنّآ أبطآل الدوري ومعنّآ لاعبين كبآر مثل موسى سو وهآزارد وجو كول وتسأل ليش أشجع ليل , الولد إنبسط وإسفهل , وفرح أكثر يوم درى إنّي عربي وأشجعهم خخخخ  . المُهم , مشينآ للملعب , الجو خيآل والطريق حلو بعد ومسلي بعض الصور بالطريق :      وهنّآ ألقيت أول نظره على الطبيعه للميآدزا  عآد عندهم أنوآع وأشكآل البوفيهآت , موب كروسآن وشآهي ! وهذي وحنّآ ننتظرهم يفتحون شبّآك التذآكر , عآد فيه سآلفه لازم أقوله , كنت وآقف أنتظر وأصوّر , وجآ إيطالي إنترآوي يسألني عن التذآكر , قلت مآ أدري , علمي علمك يالطيب , وبعدين فليتهآ سوآلف معاه , هو كبير ويشتغل بـ ألمآنيا , جآي بالسيارة لـ إيطآليا عشآن يحضر المتش , هو وخويّه , سألني من وين , قلت لو أقوله السعوديه يبي يخنبق ولا يدري وين هي , قلت من دبي , عآد تعرفون , ردّة فعله , بترول قلت أفآ عليك , ويوم قلت له أهم سبب زيآرتي لـ إيطآليا حضور مبآراة الإنتر فرح وضحك وتنآقشنآ عن وضع الإنتر , وقآل رآيه إنّ كبر سن الفريق هو سبب تدهور الفريق , وقآل مثل مآ نشجع الإنتر بالفوز لازم نسآنده ونآقف معه بالخسآره سألني من هو نجمك , قلت مآ يحتآج , الكآبيتآنو و ويسلي قآل أحس إن ويسلي هذآ آخر موسم مع الفريق , قلت الله لا يسمع منك , والرجل خدوم , يوم تفرقنآ وشريت التذآكر ورحت , جآ يدورني عشآن يسآعدني أفهم وين مكآني , -- طريقة التذآكر عندهم , لآزم جوآز السفر , عشآن كذآ يقدرون يمنعون المشجعين المشآغبين من الحضور . -- صور خآرج الملعب :  وهذي صوره خآصّه لـ عيون أعضآء رآبطتنآ عشآق النجم نآجاتومو  هذي جريدة " مجآنيه " خآصة بالمبآراة , تتكلم عن وضع الفريقين والتشكيله وهلّم جرآ ,      وهذآ متجر رسمي دآخل الملعب للفريق .  وهذي موزعينهآ بـ كل الكرآسي ,   هذي بوفيهآت دآخل الملعب .  يآ لبّى جمهورنآ .   لآ أحد يفهم هاللآفته غلط , هذولآ جمآهير جآيين من مدينه نوفآرا   عآد هذولآ ربعي , صآدفتهم بـ جنبي بالملعب , وفليتهآ سوآلف معهم , أول شي حسبتهم يآبانيين وجآيين عشآن السبيكه نآجاتومو , لكن طلع توقعي من جنبهآ اللي يمين تآيوآني , واللي يسآر من هونج كونج وجآيين سيآحه ولـ عيون الإنتر , يعني زي وضعي خآصه اللي من هونج كونج , إنترآوي صميم , أمآ التآيوآني جآي تسليك مع خويه , ولا مآ يدري وين الله حآطّه صور لـ نزول اللآعبين للتسخين :   زاراتي ,  و وقت التمرين مشغلّين ع الشآشه أهدآف الإنتر بـ دوري الأبطآل , نسخ قديمه قلبّوا الموآجع ريكوبآ وفيرون والإمبرآطور , وفآندميده والبرينشبي الحقيقي 2010 .  أمّآ الترآس الإنتر , خيآآآآل , تشجيع طوآل المبآراة , مسوين رعب للخصم , صوت وآحد إيينتر إيينتر نزول اللآعبين , ولقطآت للشوط الأول :   هذي عشآن أثبت لكم إني مشجع لـ ليل , لقطّه لـ هآزارد  للكبآر فقط  إصآبه زآرتي بأول الشوط  حآولت ألقط الشآيب ,  عآد هذآ المشجع مهبوووول , يصآرخ بـ كل كوره , أعصآبه تتلف مع أي هجمه ضدنآ , ميليتو رفع ضغطه بالمبآراة , حتّى لو اللآعب سلّم الكوره صح , يبيه يسلّمه بـ طريقه أفضل صرآخ طول المبآراة , كنتروووووول ميييلييتو !! أكثر اللآعبين اللي رفعوا ضغطه , ستآنكو وميليتو ولوسيو وإذآ جت الهجمه علينآ ينزّل رآسه ولا يقدر يشوف ! متأكد إن الضغط والسكر مصيره   هذآ الكورنر , وفرحه الهدف , -- هذآ الشوط الثآني , ويوم جآ كآستي عندنآ :   الهدف الثآني صورته فيديو من بدآيته , حدسي الكروي هو اللي خلآني أصوّر هذي فرحة الجمهور :   هذآ الفآول اللي صدّه كآستي  الكآبيتآنو  مآ أمدآني أصورهآ إلا جآبوا هدف  هذي الصوره لي ولـ محبّين الخآل آخر اللحظآت :   قضينآ تجربة مميزه , إستمتعت بـ كل لحظة بالملعب , شكراً للجميع . وأي إستفسآرات , أنآ حآضر . .. -- أشكر كل من سأل وسآعد أو عرض مسآعدته علي , رفعت الصوّر من جديد بعد تصغير حجمهآ , والرفع أخذ وقت منّي , أعتذر علىآ التأخير .
اخر تعديل كان بواسطة » Lover Sami في يوم » 14/11/2011 عند الساعة » 12:41 AM |
