الفوز والخساره امران واردان في عالم المجنونه, ولكن ان تخسر بمستوى سيئ لايعكس امكانيات نادي كبير بحجم الهلال فهذا امر غير مقبول اطلاقاً0
في الموسم الماضي خسرنا امام النصر , وقدم فريقنا مستوى رفيع جداً ولم نحزن ذلك الحزن الذي كنا عليه مساء البارحه0

في الحقيقه ان تألم الجماهير الهلاليه لم يكن بسبب الخساره, فهي تعرف جيداً من هو هلالها, وتعرف جيدا ان الهلال لايرضى بأن يخرج من المولد بلاحمص, ولكن الجماهيرتألمت بسبب خوفها على مستقبل فريقها, فكيف لنا ان نطمئن على مستقبل نادينا وهناك (( اشباه )) لاعبين !!
اي مستقبل منتظر ومشرق تنتظره بوجود المسعري , والنزهان والعتيبي والقحطاني !!!!

كل واحد من هولاء يقول (( انا )) الاسوأ !!!

المسعري ثم المسعري ثم المسعري ما يسوى ريال !!!!
والله حرام يكون حتى نادي المطابع الصومالي!!
اذا كان بنجامل ونشغل الواسطات على حساب الهلال فأبشروا بسقوط الهلال !!

لاعب طول عمره حاط رجل على رجل , ومتربع في خانته وهو مافي راسه حاجه اسمها كوره !!!
والله لو يلعب الهلال بعشره لاعبين افضل من يوم يلعب والمسعري اساسي !!
لا امكانيات ولا مهارات ولا حتى ابجديات الكوره يجيدها هذا اللاعب , ورغم ذلك نراه اساسي حتى بوجود الدوليين !!
وكأن مافي البلد الا هالولد !!


(( وكذا الواسطات والا بلاش )) !!!!


وفي الجانب الآخر, نجد دعيع زمانه, وحارس الشورت العتيبي يتفنن في خروجه الخاطئ والذي كلف الفريق خسائر بالجمله !!
بروده غريبه جداً , وخروج من المرمى ماله داعي !!!
لأول مره اشاهد حارس بيصد ضربات ترجيح وهو يتدلع !!! والله حرام يكون ذا خليفه حارس آسيا الأول !!
بندر الماس وضاري سنيين وهم ينتظرون الفرصه , بس الأخ ضامن الخانه !!
آه يالقهر حارس مثل ذا حرام فيه ريال ونص ماهو مليون ريال , وفياقرا, وحب خشوم وطلب من الشيوخ !!!؟؟

طيب ليه مآخذين ضاري ؟؟ والا المسأله عناد في الاهلي ؟؟
هذي مشكلتنا, اننا اذا اخذنا اللاعب نآخذه من باب التحدي مو من باب الفايده !!
نطش فلوسنا في عواجيز , بس اهم شي انه مايروح للنادي الفلاني !!

(( شي يغبن والله )) !!

بندر الماس ينتظر الفرصه من سنين , بس مافي أمل يلعب, فسياسه اشتر جاهز مي معطيته فرصه !!
والله دفن عيني عينك للمواهب على حساب لاعبي الواسطات !!

ومانروح بعيد عندك القحطاني ( رامبو ) والنزهان اوين لاعبين ماشاء الله تبارك الله !!
الاول الجسم جسم لاعب قوى والعقل عقل000 !!
يبحث عن اللاعب المنافس اكثر من بحثه عن الكره !!
ثقيل الحركه, وثقيل الوزن , وثقيل طينه بعد !!
والثاني يخليك تموت من الضحك وانت تشوفه يلعب, فمن شاف انطلاقاته, ومشيته , قال بس وخروا عنه !!
يعدي ويروح ويجي وهو واقف مكانه !!
تمريراته خاطئه , مهارات (( 1000)) تحت الصفر , تسديداته (( الله يكفيها شر العين )) !!
لاعب من الطراز الفريد, الله لايحرمنا منه ولا ربطته !!



@@@ (( بين العيون ))

@ موني بياز روني اديملسون , اموت واعرف سر المباراه الاولى !!!

@ آرثر ثم آرثر ثم آثر يجب ان لانخسره !!

@ مدرسه الشباب والناشئين اين هي ؟؟

@ وينك يا سيرجيو, تعال شوف الفضايح من بعدك !!

@ افضل تكريم للمسعري(( بواب للنادي )) , وافضل تكريم للعتيبي (( حارس امن )), وافضل تكريم للقحطاني (( سواق الباص )) 0

@ سعود بن تركي (( الله يكفيك شر هالموسم )) !!

@ انتظروا اللاعب الاصلي الاسبوع الجاي , هين والله ان دربه درب زينهو !!!

@الكاتو والثنيان الى الآن مايدرون هم موقفين والا لا ؟؟ والبركه في امين عام النفي قصدي امين عام النادي !!

@ اعضاء شرف النهائيات وينهم من بدري ؟؟ (( والحقوق محفوظه )) !!

@ المطرف اخوان وفيصل الصالح والقحطاني لهم سنتين وهم على دكه الاحتياط , وغيرهم يلعب له عشر سنين وهم مافي روسهم !!

@ ماذا حدث لفريق السله ؟؟
قرارات قويه صدرت تجاه النادي ؟؟ هل سأل احد عن سبب هذه القرارت ام لا ؟؟
لأول مره اسمع بقرارت بمثل هذه القوه في تاريخ السله السعوديه !!
والله شكل طلال بن بدر بيلعب في النادي واخوانا في الله نايمين في العسل !!

@@@


والسلام عليكم ورحمه الله ,,,