السلام عليكم ورحمة الله وبركاته

انا ما اعرف اكتب مقدمه ولكن بدخل في صلب الموضوع على طول، احب اقول لسمو الامير عبد الرحمن بن مساعد انك أنت ماقصرت مع الهلال من ناحية الدعم واستقطاب الاجانب ومدرب هذا غير التحسينات اللي في الملعب ومكاتب الادارة . بإختصار انت ماقصرت ولكن فيه شي مهم جدا جدا لازم يكون لك وقفة صارمة مع اللاعبين ، اليوم مباراة الرائد فيه انانية ولاعبين غير مباليين وفي نفس الوقت اليوم سابع مباراة معقولة الى الان مافيه تفاهم مابين خط الوسط والهجوم يعني اليوم اكثر من 10 كور ترسل للهجوم بس مافيه مهاجم كلهم يركضون بعد ماتلعب الكورة والمفروض انه يكون متفاهمين يعني من نظرة المفروض يكون منطلق مع الكورة مو ينتظرر لحد ماتنلعب الكورة ومن ثم يلحقها

صدقوني لو استمر الهلال على هذا المستوى لن يحصل على اي بطولة ، والله اني ماتحمست على ضربة الجزاء لاني كنت متوقع بتضيع من مستوى الاعبين.

تحياتي لكم