بيليه هذا ودك ما عاد يتكلم والله ان فيه انفصام في الشخصية خلاص خل الناس تلعب و تستمتع وتكسب بطولات وجوائز
انت انتهى زمنك وش تبي بعد تاخذ زمن غيرك تتكلم عن رونالدو وميسي وروبينيو حتى مارادونا ما سلم منك ، انت صحيح
فزت بكاس العالم ٣ مرات بس كان معك ناس تلعب كورة لكن مارادونا فاز بكاس العالم ومعه ١٠ يالله تقول عنهم اشباه لاعبين وسوا الهوايل لحاله لكن من يتابع اهدافك يا بيليه كلها تجيك مقشرة ومارادونا سوا انجازات باوروبا لكن انت حتى اوروبا مالعبت فيها.

وبالنسبة لزيزو هو اسطورة واللي يقول ان الريال بطل اوروبا من قبل زيزو اسم الريال ما يكفي انك تحقق هالبطولة زيدان اعتبره هو ورونالدو ورونالدينيو افضل اللاعبين خلال الفترة مابين ١٩٩٦ الى ٢٠٠٦ وكلهم اساطير وحققوا انجازات لفرقهم ولانفسهم كثير لاعبين ما قدروا يسوونها فهذولا اللي تسميهم اساطير .
وكلامي هذا ما يقلل من تشافي لان تشافي اعتبره اسطورة ومظلوم اعلاميا لكن حقق انجازات لبلده وناديه وله شخصيا وانا اشوفه انه يستحق الكورة الذهبية.