السلام عليكم ..


لالا دقيقه خلني ارفع كمومي ,

ايوه الحين تمام , السلام عليكم . . هارد لكم سكاوزيه , الظاهر ان هالكلمه بتلازمنا كثير هالموسم , عسى الله يعديه على خير بس ..





من الموسم الماضي , وبالذات من اول مباراة لعبها كـ مدرب لليفربول ضد مانشستر في الكاس واللي انهزم فيها ليفربول 1-0 , وانا غاسل يدي من هالمدرب ( تكتيكيا ) ..

الا ان فيه بعض جمهور ليفربول محسسيني ان كيني فوق النقد ! لدرجه انك ممكن تتصفق لو قلت ان كيني اخطأ . لانهوووو الاسطوره :|

اللي سواه كيني بـ نص فريق العاام الماضي يعجز انه يسويه الحين بفريق متكامل , وهذا يثبت للجميع ان كيني معنوي لا اكثر واتحدى اي شخص يقول ان كيني فنيا احسن من خليل الزياني ..

تصدرنا اول جولتين , وقلت خير ان شاء الله , هذي بوادر النجاح بإذن الله ,وقلت اكيد اني غلطان , اكيد كيني عنده كلام ثاني , فقدنا الصدراه الجوله الثالثه ورجعنا نتصدر من جديد , قلت اجل انا خسرت الرهان ضد كيني , كيني سكتني صراحه , لكن عقبها لاتعليق ,

لايجيني احد ويقول تونا بدري باقي جولات كثيره ! الجولات الكثيره محد بيخليك تفوز عليه بالراحه , كل الفرق بتنشب لك , ومعنى انك ماقدرت تمسك مركزك في اول الجولات انسى انك تجي من بعيد وتلقط مركز يبيض الوجه , الا بحصول معجزه مثل ماصار لتشلسي العام اللي كان الخامس وفجاه طمر للثاني , مع اني اشوفها بعيده عن وجيهنا في ضل هالتخبط الفني للفريق ..

للي مافهم كلامي اللي فوق , لو كنت انا العب وانا مثلا متصدر , في كل مباراة بالعبها عشان احافظ على صدارتي , وبحاول اني ابذل اقصى جهدي واحترق في المعلب في سبيل اني احافظ على الصداره وابقى متمسك في المركز الاول ,

لكن لما تجي تلعب وانت في الخامس , تنزل الملعب وماتدري وش طموحك , تشد حيلك عشان تاخذ الرابع ؟ او تهدي وتشارك في اليورو ليغ او تتعادل وتقول نقطه حليوه قياسا على مركزي ..

لازلت اعتقد انه من اهم اسباب الفوز بالدوري , انك تحافظ على الصداره من اول جوله , والا غيره يفتح الله ..


صراحه انا من الناس اللي ماعمري تكلمت عن كيني لاني احترمه كـ لاعب , لكن مع احترامي الشديد له , هو كذا يعبث في تاريخه , كيني قرب اذنك خلني اسمعك بس , وش رايك تقول ضروفي الصحيه ماتسمح لي اني اكمل معكم ؟ ايوه بالضبط , مثل تصريفتك عام 1990
وتجيب بينيتز يدرب , مثل مارجعك هو للنادي وخلاك تدرب الاكاديميه عام 2007
انت سو فينا خير ورجعه لنا , يارجل هو بنص المال اللي عطوك الملاك قاعد يعبث في تاريخ الانديه الانجليزيه وانت بكل هالدفع عاجز انك تفوز على نورويتش في ملعبك !!

لا وطالع لي بتصريح يقول انه يدافع عن سواريز , هالدلع هو اللي بيخرب اللعيبه اذا شافوا الدلع كله له , سواريز مب طبيعي اخر المباريات , يتنرفز بكل كوره , وطيحاته اكثر من هجماته الضايعه في مباراة امس ,, وكل كوره يحسسني ان مافيه الا هو في الملعب ..

كيني ارجووك , استخدم سلاحك الفتاك اللي استخدمه آخر الموسم الماضي والا خذ لك دورات تدريب والا شف لك حل , معقوله شخص مثلك مايعرف يقرأ مباراة !

طيب خلنا من فريق البجعه الصفرا ذا الغثيث, وش بتسوي ضد السيتيزن اللي صمخوا مانشستر قبل شوي بـ 6 في المسرح ! وش بتسوي بتشلسي اللي قاعد يمشي ومستواه يتحسن في كل مباراة يلعبها ارسنال قرب منا , وصار اقصى الطموح ناخذ الرابع من المكبايس اللي فازوا امس ووسعوا الفارق بينا وبينهم ..

على فكره , المكبايس مع ليفربول هم انشط الفرق الانجليزيه في الانتقالات اللي راحت , وهم اكثر من جاب لاعبين , ومع اني مااعرف بالضبط اسعار لاعبينهم اللي جابوهم , الا اني متأكد انهم اقل من 50 مليون بالراحه , واحنا على الدفع اللي اندفع مب قادرين

طيب خلونا نهدي شوي , مباراة الكاس الجايه ضد ستوك في حلبة بريطانيا , وش بنسوي !
ستوك في ملعبه غثيث لابعد الدرجات ويكفي انهم عادلوا مانشستر وهزمونا فيه , وهالمباراة لاتقبل انصاف الحلول كونها مباراة كأس ..

هالسنه طموح جمهور الفريق كاس , ومركز مؤهل للابطال , والا والله الجمهور مب راحمك ياكيني ومب راحم تاريخك ..



شطحه على السريع

قريت قبل فتره رد احد الاعضاء يقول فيه ميريلس يبغى يطلع من الفريق مب كيني اللي مايبيه ..

وهالكلام صحيح , ميريلس هو اللي قدم طلب انتقال وهالشي طبيعي جدا , كون انه يستلم 30 الف في الاسبوع وهو اللي قالب الملعب سواقي مزرعه من الحرث , وجو كول اللي كان عاله كان يستلم 90 الف , هذا شي ,
الشي الثاني , لاعب مثل ميريلس , ينحط ع الدكه على حساب البزر اللي مابعد بلغ هندرسون !!
طبيعي كل لاعب بيدور مصلحته , انا كلاعب محترف ماابي اقعد في الدكه , لان القعده في الدكه بتنزل مستواي وانا ابي مستواي للاحسن دايم .
هذا التهميش اللي صاير لميريلس خلاه يسوي طلب انتقال , اجل ميريلس مخليه يلعب مباريات كأس والا اذا تكلفت تنزله بديل , والدوري حاط لي هندرسون اللي حسنته الوحيده من جانا هي تسديدته على دي خيا ؟؟

يعني لحد يجيني يقول ميريلس مايبي الفريق , ميريليس كان يحرث الملعب والفريق داج , فما بالكم الحين يوم اكتمل وش اللي بيصير ؟
كان يبي ليفربول , لكن عنصرية المدرب هي اللي خلته يطلع ..







مانقول الا الله يجبر بخواطرنا ..