السلام عليكم ورحمة الله وبركاته

أول مشاركه لي في منتديات الزعيم أتمنى أن تحوز على إعجابكم ورضاكم
وترتقي لمستوى الذائقه
واعذرونا على القصور


‫لبى الزعيم ولعبه التكتيكي - صالح الوقداني.wmv‬‎ - YouTube




ي متابعين الكوره المزيونه
----------------- لحظه / ندقق بالفريق ولونه
إن كانه أزرق مختلط مع أبيض
----------------- فالموعد الملعب نشوف جنونه
وان كان لونه مختلف ومقلّم
----------------- فالله يرحم ثُلةٍ .. مفتونه
وان كان في ماشفته أزرق وأصفر
----------------- فأغسل يديك بمويه وصابونه
لبى الزعيم ولعبه التكتيكي
----------------- يكتب شعر بأهدافه المجنونه
يسعد جماهيره بمعنى الكلمه
----------------- يطرب عيونٍ جات لجل عيونه
متعودين نشوفه ونطرب له
----------------- يمتع جماهيره .. بحلو شجونه
هذا الهلال اللي فرق عن غيره
----------------- من قابله .. يالله طلبتك عونه
يخسر / ويفرح بالخساره واجد
----------------- ناسٍ على درب الخطا ملسونه
وإن فاز يفرح مثلهم × خمسه
----------------- شعبٍ زعيمه يحمله بمتونه
لبى جماهيره تشب الملعب
----------------- يلعب على إيقاعها .. بلحونه
يرسم على وجه المعنّا فرحه
----------------- فرحة عطايا .. ماهي بممنونه
يآمر على حرفي يجيه مدجج
----------------- بحروف ملغومه على مزيونه
وأرهن قصيدي وأنتحر بالملعب
----------------- إن ماكسبت اللعبه المرهونه
هذي حروفي ترجمت وش أبغى
----------------- امشيطنه لكن ماهي شيطونه




صالح الوقداني
وسلآمتكم
الخميس 20 أكتوبر 2011